TUMAN SAYLOV KOMISSIYaSIDA ISh QIZGʻIN

Barcha joylarda boʻlgani kabi Amudaryo tumanida ham Oʻzbekiston Pespublikasi Oliy Majlisi Qonunchilik Palatasi, Qoraqalpogʻiston Pespublikasi Joʻqorgʻi Kengesi va xalq deputatlari tuman Kengashiga saylovlar xalqimizning oʻzaro jipsligi, tenglik, oshkoralik va ochiqlik ruhida oʻtmoqda. Bu tumanning barcha hududlarida tashkil etilgan saylov uchastkalariga kelib oʻz xohish-irodasi, fuqarolik burchini ado etayotgan saylovchilarning kayfiyatida, ertangi kunga ishonchi, qalblaridagi kelajakka daxldorlik tuygʻularida yaqqol namoyon boʻlmoqda.

Bu borada Xalq deputatlari Amudaryo tuman Kengashiga saylov oʻtkazuvchi tuman saylov komissiyasining hissasi katta. Bugun, yaʼni 22-dekabr kuni tuman saylov komissiyasi aʼzolari uchun ham masʼuliyatli sana hisoblanadi. Avvalo, shuni aytish kerakki, tuman saylov komissiyasi tarkibi huquqiy bilimdon, zamonaviy axborot kommunikatsiya texnologiyalarini, shuningdek tuman hududini yaxshi biladigan, saylov qonunchiligi boʻyicha bilim va koʻnikmalarga ega boʻlgan aholi vakillaridan tuzilganligi saylovlarga tayyorgarlik jarayonining muvaffaqiyatli oʻtishini taʼminladi.

Tuman saylov komissiyasi Saylov Kodeksining ijrosi ustidan nazoratni amalga oshirish, saylovni tashkil etish va oʻtkazish masalalari yuzasidan aholiga tushuntirishlar berish, xalq deputatlari tuman Kengashiga saylov oʻtkazish boʻyicha saylov okruglarini tuzish, okrug saylov komissiyalarini shakllantirish, siyosiy partiyalardan tegishli hujjatlarni qabul qilib olish, nomzodlarni roʻyxatga olish va ularga guvohnomalar berish ishlarini oʻz vaqtida va muddatida amalga oshirdi.

Tuman saylov komissiyasi nomzodlarning saylov kampaniyasida ishtirok etishi uchun teng sharoitlarni taʼminladi, saylov komissiyalarining binolar, transport va aloqa vositalari bilan taʼminlanishini nazorat qilib, saylovni moddiy-texnik jihatdan taʼminlashga doir boshqa masalalarni oʻz vaqtida hal qildi.

Tuman saylov komissiyasi aʼzolari saylov jarayonida ochiqlik va oshkoralik, qonuniylikni taʼminlashga eʼtibor qaratgan holda okrug va uchastka saylov komissiyalari bilan doimiy aloqani yoʻlga qoʻygan.

Saylov yakunlangach, tuman saylov komissiyasi xalq deputatlari tuman Kengashiga oʻtkazilgan saylov yakunlarini chiqaradi, saylangan deputatlarni roʻyxatga oladi, saylov yakunlari toʻgʻrisidagi maʼlumotlarni va saylangan deputatlarning roʻyxatlarini matbuotda eʼlon qiladi. Shuningdek, deputatlarga tegishli mahalliy Kengash deputati guvohnomasini va koʻkrak nishonini beradi. Zarurat tugʻilganida esa takroriy saylov oʻtkazish bilan bogʻliq masalalarni hal etadi, saylovchilarning va saylov jarayoni boshqa ishtirokchilarining murojaatlarini koʻrib chiqib, ular yuzasidan qarorlar qabul qiladi. Saylovni tashkil etish va oʻtkazish bilan bogʻliq hujjatlarning arxivlarga va idoraviy arxivlarga topshirilishi ham tuman saylov komissiyasi tomonidan amalga oshiriladi.

Bugun, yaʼni saylov kunida tuman saylov komissiyasi aʼzolari toʻliq tarkibda, qizgʻin surʼatda ish olib bormoqdalar.

Pobiya Yoʻldosheva