OZIQ-OVQAT VA ISTEʼMOL MAHSULOTLARI YaNGI YIL YaRMARKASI ISh BOShLADI
Yangi yil bayram shukuhi kezayotgan ayni kunlarda xalqimizga koʻrsatilayotgan xizmat sifatini yanada yuksaltirish, qishloq xoʻjalik mahsulotlarini aholiga nisbatan arzon narxlarda yetkazib berish maqsadida butun mamlakatimiz boʻylab anʼnaviy qishloq xoʻjalik mahsulotlari yaramarkalari oʻtkazilmoqda.
Oʻzbekiston Respublikasi Vazirlar Mahkamasining 2019-yil 4-dekabrdagi “Yangi yil bayrami arafasida va bayram kunlari ichki isteʼmol bozorini asosiy turdagi oziq-ovqat mahsulotlari bilan kafolatli toʻldirish va narx-navolarni barqaror saqlanishini taʼminlash maqsadida hududlarda yangi yil yarmarka savdolarini tashkil etishga qaratilgan qoʻshimcha chora-tadbirlar toʻgʻrisida”gi Qarori ijrosini taʼminlash hamda Qoraqalpogʻiston Respublikasi Vazirlar Kengashining tegishli bayonnomasi asosida tumanimizda ham Mangʻit dehqon bozori hududida Yangi yil yarmarkasi faoliyatini yoʻlga qoʻyishga bagʻishlangan yigʻilish oʻtkazildi.
Yigʻilishda 2019-yil 10-dekabrdan 2020-yil 1-yanvargacha ijtimoiy muhim turdagi isteʼmol tovarlari bilan savdo qiluvchi “Oziq-ovqat yarmarkalari” faoliyatini tashkillashtiruvchi ishchi guruhi tuzilib, mazkur ishchi guruh aʼzolariga zarur topshiriqlar berildi. Unga koʻra, 50 turdagi oziq-ovqat mahsulotlari, jumladan, fermer xoʻjaliklari tomonidan yetkazib berilish, rejalashtirilgan qoramol, qoʻy, tovuq goʻshtlari, tuxum va sut mahsulotlari, meva-cheva, poliz va sabzavot, shuningdek, qandolatchilik, korxonalarning boshqa turdagi mahsulotlarini istisno tariqasida, ishlab chiqarish baholarida sotishni tashkilashtirish, bayram kunlarida Mangʻit Dehqon bozori hududida turli koʻngilochar bayram tomoshalarini oʻtkazish belgilandi.
Yigʻilishda “Oziq-ovqat mahsulotlari yarmarkalari” hududida aholi va mahsulotlar xavfsizligini hamda sifatini taʼminlash, yarmarkada faoliyat olib boruvchi savdo shoxobchalarining savdo terminallari bilan toʻliq taʼminlanishini tashkil etish yuzasidan masʼullarga topshiriqlar berildi.
Mangʻit Dehqon bozori hududida tashkil etilgan “Oziq-ovqat mahsulotlari yarmarkasi” 14-dekabrdan oʻz faoliyatini boshladi. Ayni kunlarda bozor rastalari va doʻkonlar peshtaxtalari sarxil neʼmatlar bilan toʻldirilganidan tumanimiz aholisi mamnun. Fermer va tomorqa yer egalari tomonidan turli xil qishloq xoʻjalik mahsulotlariga toʻla. Yarmarkada xaridorlar uchun zarur sharoitlar yaratilgan.
Tadbirkorlarning fidoyi mehnatlari samarasi boʻlgan qandolanchilik mahsulotlari, yangi yil dasturxonlari uchun maxsus tayyorlangan turli xil tortlar, yangi yil archasi bezak-oʻyinchoqlari narxining hamyonbopligi xaridorlarga manzur boʻlmoqda. Savdo-sotiqning bank plastik kartalarida, savdo terminallari orqali amalga oshirilayotgani aholi uchun qulaylik yaratmoqda.
Robiya YOʻLDOShEVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
