TIBBIY XIZMAT KOʻRSATIShDA YuQORI SIFAT VA SAMARADORLIKKA ERIShILAYaPTI

Amudaryo tumanida tashkil etilgan qishloq oilaviy poliklinikalari orasida Doʻrman ovuli, Boʻzsolma va Qoramon mahallalari aholisiga tibbiy xizmat koʻrsatuvchi 2-sonli qishloq oilaviy poliklinikasining oʻrni alohida. Chunki ushbu oilaviy poliklinikada aholi-ga tibbiy xizmat koʻr-satishning sifat va samaradorligi ancha yuqori.

Ayni kunda umumiy amaliyot shifokori Zokir Rahimboyev mudirlik qilayotgan ushbu oilaviy poliklinikada faoliyat koʻrsatayotgan 6 nafar vrach, 22 nafar oʻrta tibbiyot xodimi va 11 nafar patronaj hamshiralar jami 2022 xonadonda yashayotgan 10615 nafar aholiga tibbiy xizmat koʻrsatishda yaxshi natijalarga erishmoqda.

2-sonli oilaviy poliklinika tomonidan tibbiy xizmat koʻrsatiladigan hududda tugʻish yoshidagi ayollar 2819 nafarni, 18 yoshgacha boʻlgan oʻsmirlar 3542 nafarni, katta yoshdagi kishilar esa 7073 nafarni tashkil etadi. Oilaviy poliklinika hisobidan tibbiy xizmat koʻrsatayotgan 11 nafar patronaj hamshiralar oʻzlariga biriktirilgan hududlardagi xonadonlarda tez-tez boʻlishib, aholi oʻrtasida tarqalishi mumkin boʻlgan turli kasalliklarning oldini olishda fidoyilik qilmoqdalar.

Oilaviy poliklinika shifokorlarining oʻz faoliyatlariga katta masʼuliyat bilan yondashayotganliklari sababli onalar va bolalar oʻlimining oldini olish boʻyicha yaxshi natijalarga erishilmoqda. Oʻtgan 10 oy davomida hudud boʻyicha 182 nafar ayol sogʻlom farzandlarni dunyoga keltirdi. Ayni kunda 127 nafar homilador ayollar holidan xabar olinib, ularga zarur boʻlgan barcha turdagi yordamlar koʻrsatib borilayapti.

Ushbu hududda 5 ta maktab mavjud boʻlib, oʻquvchi-yoshlarning sogʻligʻi ham doimiy tibbiy nazoratda.

Muassasada arzon va sifatli dori vositalari hamda tibbiy buyumlar sotuvini amalga oshirish maqsadida ijtimoiy dorixona tashkil etilgan boʻlib, unda dorishunos Nargiza Vaisova faoliyat koʻrsatayapti.

Ayni kunda 2-sonli qishloq oilaviy poliklinikasida shifokorlardan M.Eshchanova va X.Ermatovalar, laborant A.Boltaboyeva, katta hamshira N.Vaisova, patronaj hamshiralari H.Bekchanova, G.Ollamberganova, S.Yoʻldosheva, Yo.Matmuratova, G.Kazakova va roʻyxatga oluvchi B.Xolmurodovalar fidoyi mehnatlari bilan aholi salomatligini saqlash borasidagi xayrli ishlarga oʻzlarining munosib hissalarini qoʻshmoqdalar.

Biz 2-sonli qishloq oilaviy poliklinikasi jamoasini Tibbiyot xodimlari kuni bayrami bilan muborakbod etamiz.

Allambergan JUMANIYoZOV.