Amudaryo tumanini 2013-yilda ijtimoiy-iqtisodiy rivojlantirish yakunlari

Tumanda oʻtgan yilda sanoat mahsulotlari ishlab chiqarish hajmi 65,4 mlrd. soʻmni tashkil qilib, solishtirma narxlarda 2012-yilga nisbatan 112,6 foizga, xalq isteʼmol  mollari ishlab chiqarish 11,8 mlrd. soʻmni tashkil qilib, 138,0 foizga, qishloq xoʻjaligi yalpi mahsuloti 139,3 mlrd. soʻmni tashkil qilib, 111,7 foizga, pudrat ishlari 55,6 mlrd. soʻmni tashkil qilib, 161,9 foizga, chakana savdo aylanmasi 120,9 mlrd. soʻmni tashkil qilib, 128,4 foizga, pullik xizmat koʻrsatish 46 mlrd. soʻmni tashkil qilib 115,9 foizga oʻsdi.

Ijtimoiy sohada olib borilgan ishlar natijasida 47,2 ming kv.metr uy-joylar, 5,5  km. uzunlikdagi gaz, 47,5 km. uzunlikdagi ichimlik suvi tarmoqlari tortildi. 103 ta xizmat koʻrsatish va servis shoxobchalari qurilib foydalanishga topshirildi. Ularga jami 4 mlrd. 709 mln. soʻm, shu jumladan 1 mlrd. 222 mln.soʻm tijorat banklari kreditlari va 3 mlrd. 487 mln. soʻm tadbirkorlarning oʻz mablagʻlari jalb qilindi.