YoShLAR UChUN “STREET WORK OUT” MAYDONChASI QURILDI
Prezidentimiz tomonidan ilgari surilgan 5 ta muhim tashabbusni yoshlar hayotiga joriy etish va yoshlar bilan ishlashish tizimini samarali tashkil qilish borasida mamlakatimizda tizimli ishlar amalga oshirilmoqda. Yoshlarning madaniyat, sport, sanʼat, axborot texnologiyalari hamda kitob oʻqishga boʻlgan qiziqishlarini oshirish, bu boradagi qobiliyatlarini rivojlantirish va ragʻbatlantirishga koʻmaklashish Oʻzbekiston yoshlar ittifoqi Markaziy Kengashining doimiy eʼtiborida.
Joriy yilning 14-avgust kuni tumanimizga tashrif buyurgan OʻzYoI Markaziy Kengashi raisi Qahramon Quronboyev Prezidentimizning ikkinchi tashabbusi ijrosini taʼminlash, tuman yoshlarining sport bilan muntazam shugʻullanishlarini tashkil etish hamda ularni harbiy vatanparvarlik ruhida tarbiyalash maqsadida Oʻz YoI Markaziy Kengashi hisobidan “Street work out” sport maydonchasi qurish fikrini bildirgan edi.
Mustaqillik bayrami arafasida Mangʻit shahrining Olmazor mahallasidagi Bolalar-oʻsmirlar sport maktabi hududida “Street work out” sport maydonchasi qurilib, foydalanishga topshirildi. 22-avgust kuni OʻzYoI tuman Kengashi tomonidan brus va turniklar toʻplamidan iborat mazkur sport maydonchasi Bolalar-oʻsmirlar sport maktabi ixtiyoriga tantanali ravishda topshirildi.
Endilikda tumanimiz yoshlari “Street work out” trenajerlaridan muntazam shugʻullanishlari uchun sharoit yaratildi.
Robiya YOʻLDOShEVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
