Tuman Madaniyat boʻlimida "Vatan uchun yashaylik!" anʼanaviy koʻrik-tanlovi oʻtkazildi

Prezidentimizning davlatimiz mustaqilligining 28-yillik bayramiga tayyorgarlik koʻrish va uni oʻtkazish toʻgʻrisidagi Qaroriga koʻra Respublika komissiyasi tomonidan “Jonajon Oʻzbekistonim, mangu boʻl omon!” degan bosh gʻoyani oʻzida mujassam etgan tashkiliy-amaliy, maʼnaviy-maʼrifiy tadbirlar hamda targʻibot-tashviqot ishlari dasturi ishlab chiqildi. Dasturga muvofiq joylarda aholiga koʻtarinki  ruh va bayramona kayfiyat bagʻishlash maqsadida turli uchrashuvlar, madaniy tadbirlar oʻtkazila boshlandi.

5-avgust kuni tuman Madaniyat boʻlimida mustaqillik bayrami munosabati bilan "Vatan uchun yashaylik!" anʼanaviy koʻrik-tanlovi oʻtkazildi. Tanlovda madaniyat markazlari toʻgaraklarida faol qatnashib kelayotgan yosh isteʼdod egalari Vatan tarannumiga bagʻishlangan qoʻshiqlari bilan ishtirok etdilar.

Tanlov yakunida “Qilichboy” madaniyat markazi ashula toʻgaragi aʼzosi Sevinch Bekbergenova va Ogʻabek Oʻrozimbetovlar duet ijro etib 1-oʻrin, “Qangli” madaniyat markazi toʻgarak ishtirokchisi  Behruz Jumamurodov 2-oʻrin, “Uyshin” madaniyat markazining ashula toʻgaragi aʼzosi Shodiyor Bekberganov 3-oʻrin gʻolib deb topildi.

Gʻoliblar tashkilotchilar tomonidan faxriy yorliq va sovgʻalar bilan taqdirlandilar.

 N.Eshchanova, tuman Madaniyat boʻlimi mutaxassisi.