YoZGI BIATLON BOʻYIChA QORAQALPOGʻISTON BIRINChILIGI OʻTKAZILDI
Aqliy barkamollikka erishishda jismoniy chiniqishning oʻrni alohida. Shu boisdan ham mamlakatimizda sport ommaviyligiga erishishga, ayniqsa yoshlarning sport bilan muntazam shugʻullanishlariga sharoitlar yaratishga eʼtibor kuchaytirilmoqda.
Muhtaram Prezidentimiz Sh.Mirziyoyevning yoshlar maʼnaviyatini yuksaltirish va boʻsh vaqtlarini mazmunli tashkil etish boʻyicha ilgari surgan beshta tashabbusida ham sportga alohida eʼtibor qaratilgan.
Yoshlarning har jihatdan barkamol, yurtga sodiq, yuksak irodali va vatanparvar boʻlib ulgʻayishida Oʻzbekiston mudofaasiga koʻmaklashuvchi “Vatanparvar” tashkilotining ham munosib oʻrni bor. Tashkilotning tuman, shahar oʻquv sport texnika klublari oʻrtasida oʻtkazilayotgan sportning texnik va amaliy turlari boʻyicha musobaqalar ayniqsa yoshlarning eʼtiborini tortib, sohaga qiziqishlari ortishiga zamin boʻlayotir.
Shu yil 28-iyun kuni tashkilotning Amudaryo tuman oʻquv sport texnika klubida 30-iyun – Yoshlar kuni munosabati bilan sportning texnik va amaliy turlaridan biri boʻlgan yozgi biatlon boʻyicha Qoraqalpogʻiston birinchiligi musobaqasida ham yosh vatanparvar oʻgʻlonlar kuch sinashib, gʻoliblar aniqlandi.
Musobaqada Nukus shahri, Amudaryo, Toʻrtkoʻl, Beruniy, Ellikqaʼla, Qoʻngʻirot, Xoʻjayli, Kegayli va Chimboy tumanlaridagi oʻquv sport texnika klublari aʼzolari boʻlgan oʻquvchi-yoshlar ishtirok etdilar.
“Biz vatanparvarlarmiz” shiori ostidagi musobaqa juda qiziqarli va qizgʻin kurashlar bilan oʻtdi.
Natijalarga koʻra, musobaqada birinchi oʻrinni amudaryolik, ikkinchi oʻrinni nukuslik yosh vatanparvarlar egalladilar.
Gʻoliblik uchun sidqidildan intilgan mezbon jamoa erishgan natijalar butun tumanimiz yoshlarini quvontirdi.
O.PAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
