MARAFONLARDA YoShLAR FAOL IShTIROK ETDILAR

27-iyun kuni “Yoshlar oyligi” doirasida tuman hokimligi, Xotin-qizlar qoʻmitasi, Jismoniy tarbiya va sport  boʻlimi, tuman tibbiyot birlashmasi, Xalq taʼlimi boʻlimi, tuman IIB va Fuqarolarning oʻzini oʻzi boshqarish organlari faoliyatini muvofiqlashtirish boʻyicha tuman Kengashi hamkorligida oʻquvchilar va uyushmagan yoshlarni madaniy-maʼrifiy va sport tadbirlariga keng jalb qilish, oilada sogʻlom turmush tarizini qaror toptirish, yoshlarning boʻsh vaqtlarini mazmunli oʻtkazish, ayniqsa ayol-qizlarni jismoniy tarbiya va sport bilan shugʻullanishga ommaviy ravishda jalb qilish maqsadida Mangʻit shahrining Gurlan koʻchasi boʻylab 3 km. masofaga yugurish hamda “Biz sogʻlom turmush tarafdorimiz!” shiori ostida velosipedda harakatlanish marafonlari oʻtkazildi.

Yugurish marafonida jami 490 nafar yoshlar, velomarafonda esa 24 nafar ayollar va 53 nafar oʻgʻil bolalar ishtirok etishdi.

Yugurish boʻyicha oʻtkazilgan marafonda oʻgʻil bolalar oʻrtasida 1-oʻrinni 24-sonli umumtaʼlim maktabi oʻquvchisi Shuhrat Jumaboyev, 2-oʻrinni 70-sonli umumtaʼlim maktabi oʻquvchisi Nodirbek Xalillayev, 3-oʻrinni 4-sonli umumtaʼlim maktabi oʻquvchisi Otamurod Egamdurdiyev, qizlar oʻrtasida 1-oʻrinni 25-sonli umumtaʼlim maktabi oʻquvchisi Oʻgʻulgarak Shomurodova, 2-oʻrinni Amir Temur nomli ovuldan Tillo Shomurodova, 3-oʻrinni 4-sonli umumtaʼlim maktabi oʻquvchisi Laylo Sapardurdiyevalar egallashdi.

Velomarafon yakuniga koʻra oʻgʻil bolalar oʻrtasida 1-oʻrinni Doʻrman ovulidan Ogʻabek Aminov, 2-oʻrinni 30-sonli umumtaʼlim maktabi oʻquvchisi Shaxzod Kenjayev, 3-oʻrinni Boʻston mahallasidan Ravshanbek Qurbonboyev, qizlar oʻrtasida 1-oʻrinni “Barkamol avlod” bolalar markazi oʻqituvchisi Gulasal Allambergenova, 2-oʻrinni 31-sonli umumtaʼlim maktabi oʻquvchisi Nodira Davlatboyeva, 3-oʻrinni Beruniy nomli mahalladan Nargiza Ibragimovalar egallashdi.

Marafonlar gʻoliblari tashkilotchilar tomonidan faxriy yorliq va qimmatbaho sovgʻalar bilan taqdirlandilar.

A.JUMANIYoZOV.