Yoşlar ijodidan

Onajonim

Oqlagayman sutingizni,

Yoruğ qilay yuzingizni.

Quvontirib özingizni

Onajonim, jonim onam!

Oqila, dono qiz bölay,

Vatanimga xizmat qilay.

Murodingiz hosil qilay,

Onajonim, jonim onam!

Sarvinoz Otajonova.

Obod şahrim

Obod turmuş yölida

Obod bölgan köçalar.

Yorişib tun qöynida,

Oyday tölgan köçalar.

Marjonday çiroqlari,

Daraxtlari soyabon.

Şahrimning har yoqlarin,

Suyub, quçadi osmon.

Obodon el, obod el –

Ona şahrim omon böl!

Gözaloy NURIMBETOVA.

Egizaklar

Soğlom bola yilida,

Egizaklar tuğilar.

Hasan-Husan-u hamda,

Yulduzoy va Qunduzlar.

Ulğayar egizaklar,

Hur Vatan ardoğida.

Köngillarni bezaklar,

Gul oçib el boğida.

Nurlan JADIGEROV, 36-maktab öquvçisi.

Bolalik

Bolalik podşohlikdir,

Bolalik beğamlikdir.

Bolalik totli davr,

Umrga mazmun berar u.

Bolalik qaytib kelmas,

Undan şirin dam bölmas.

Bolalik sururiga,

Odamzod heç ham töymas.

Sohiba RAJABBOYeVA,

55-sonli maktab öquvçisi.

Soğlom bola

Yurtboşimning farzandlari,

Kelajagim dilbandlari.

Fikrlari uyğoq bola,

Soğlom bola, soğlom bola.

Kuç-quvvatga tölib-toşgan,

Aqllari teran bola.

Şöxliklari daryo-daryo,

Soğlom bola, soğlom bola.

Har jihatdan kamol topgan,

Orzulari olam-olam.

Şoşayotir dunyo tomon,

Soğlom bola, soğlom bola.

Tillarida Özbekiston,

Dillarida Tinçlik, Döstlik.

Fikrlari dono-dono,

Soğlom bola, soğlom bola.

Umrimizning ğunçalari,

Öqişlari aʼlo-aʼlo.

Hayotimiz mazmunlari –

Soğlom bola, soğlom bola.

Zuhra Ahmedova,

55-sonli maktab kutubxonasi mudirasi.

Tarixdan sözlasam

Asrlardan asrlarga ötib kelgan qalʼalar,

Qirğinlarning azobini ortib kelgan qalʼalar.

Bobolarim unib-ösgan tabarruk maskanlar bu –

Goho işq deb, ozodlik deb vayron bölgan qalʼalar.

Barçasida söngsiz azob-uqubat bor, firoq bor,

Işq nomidan aytayinmi, "Nazlim suluv” qalʼasin.

Moziylarda sirli qolgan "Gavur”, "Yompiq” qalʼalar,

Hatto işq deb barbod bölgan "Guldursun”ning qalʼasi.

Yulduz YuSUPOVA, Melioratsiya va suv xöjaligi kasb-hunar kolleji talabasi.

Kutiş azobi

Tan olaman... Öğirladim.

Vaqt, imkonni.

Şunça kutdim, kun sarğaydi...

Qorlar yoğdi.

Bahor keldi, qor eridi,

Kurtak çiqdi.

Va nihoyat... Men qömsagan,

Nido keldi.

- Sen öğrisan!... - Va bu töğri.

Men boş egdim.

Bu sas emas...

Umrdan nido!

Bu emas - men kutgan ovoz!

Bekatdaman... Poyezd kelmas,

Kuz keladi.

Sarğayadi qölimdagi eski qoğoz.

Bekatdaman... sovuq... ammo -

Qorsiz ilk qiş,

Qarğa ketdi, bahor keldi...

Bekatdaman...

Poyezd keldi... Lekin bahor...

u keçikdi...

Relsda yotar - jonsiz tana...

Men yöqotgan Vaqt.

Men öğriman...

Siroj OLIMOV.