PILLA QABUL QILISh DAVOM ETMOQDA
Joriy yilda tumanimiz fermer xoʻjaliklari va kasanachilari «ASIA SILK» shoʻʼba korxonasi bilan 3168 quti ipak qurti parvarishlab, 175200 kilogramm pilla xom ashyosini yetishtirish boʻyicha kontaktatsiya shartnomasini tuzgan edilar. Shunga muvofiq 16 ta inkubatoriyalarda ipak qurti urugʻlari sifatli jonlantirilib, tarqatildi. Pillakorlarni ragʻbatlantirish maqsadida har bir quti ipak qurti parvarishi uchun 220 ming soʻmdan avans pullari berildi.
Ipak qurti boqish mavsumi agrotexnika qoidalariga muvofiq olib borildi va ozuqa bazasi yetarli boʻldi. Bugungi kunga kelib, pillakorlarimiz qariyb bir oy davomidagi mashaqqatli mehnatlari natijasida yetishtirgan pilla hosilini topshirishni boshlab yubordilar.
25-maydan beri qabul qilib olinayotgan pilla hosilining boʻliqligi, sifatliligi ayniqsa, kishini quvontiradi.
Ayni kunlarda tumanimiz pillakorlari yetishtirib, tozalab keltirgan hosillari peshma-pesh qabul qilib olinayotir. Natijalar ularning oʻz rejalarini ortigʻi bilan ado etayotganini koʻrsatmoqda. Shu tariqa pilla xirmonimiz tobora yuksalmoqda.
R.Narimbetov, “Amudaryo Agropilla” MChJ raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
