GIMNASTIKAÇI QIZLAR YuTUQLARI

Sport insonni har tomonlama çiniqtiradi. Yoşlikdan sport bilan şuğullaniş bolani mustaqil bölişga undabgina qolmay, öziga işonçini oşirib, qatʼiyat va mardlik xususiyatlarining şakllanişi, ğalabaga intilişi, mustahkam irodaga ega bölişi uçun puxta zamin yaratadi. Gimnastikaning barça turlari insonda mana şunday xususiyatlarning mustahkamlanişida muhim örin tutadi. Mazkur sport turi bilan şuğullaniş nafaqat insonning jismoniy gözalligini şakllantiradi, balki uning feʼl-atvori, eng yaxşi fazilatlarini rivojlantiradi, irodasini çiniqtiradi, oldiga qöygan maqsadiga erişişga intilişini kuçaytiradi.

Tumanimizdagi Bolalar-ösmirlar sport maktabida ham uşbu sport turi bilan şuğullaniş uçun yetarli şaroit yaratilgan bölib, ularda yoşlar gimnastika bilan muntazam şuğullanişmoqda. Maktabdagi badiiy gimnastika guruhida bugungi kunda 114 nafarga yaqin 6 yoşdan 16 yoşgaça bölgan sportçi qizlarga 4 nafar malakali murabbiylar saboq berib kelişmoqda. Mahoratli murabbiylardan gimnastika sirlarini örganayotgan sportçi qizlar turli musobaqalarda iştirok etib, sovrinli örinlarga ega bölişmoqda. Natijada sportning aynan şu turi bilan şuğullaniş istagida bölgan qizlar sport maktabiga yanada köproq taşrif buyurib, ularning saflari tobora kengaymoqda.

Sport maktabining badiiy gimnastika guruhidagi mohir sportçilar Mahliyo Toirova, Sarvinoz Ermakova, Asaloy Arabovalarni ham ota-onalari kiçik yoşdan şuğullanişga olib kelişdi. Gimnastika zalida ularga dastlab çaqqonlik, nafosat, qomatni tik tutiş, töğri qadam taşlaş kabi maşqlarni bajariş örgatildi. Keyinçalik esa arğamçi, tasma, töp, xalqa kabi jihozlardan foydalanişni, işlatişni örganişdi. Şu bilan birga oilada ham ularga alohida eʼtibor qaratilib, maşqlarni takrorlab turişlariga, örganganlarini mustahkamlab borişlariga imkoniyat yaratib berildi. Natijada bu mahoratli gimnastikaçi qizlar turli musobaqalarda faol iştirok etib, yutuqlarga erişişdi va nafaqat tumanimiz, balki butun Respublikaning faxriga aylanişga ulgurdi.

Yaqinda Toşkent şahrida badiiy gimnastika böyiça 9-12 yoşdagi qizlar örtasida mamlakat miqyosida eng iqtidorlilarni aniqlaş maqsadida ötkazilgan “Qiş ertagi” turnirida sport maktabimizning badiiy gimnastika guruhi tarbiyalanuvçilari ham iştirok etişib, ğolib bölib qaytişdi. Maktabimizda uşbu jozibador sport turini mukammal özlaştirayotgan gimnastikaçi qizlardan Mahliyo Toirova turnirda 10 yoşlilar örtasida 1-örinni, Sarvinoz Ermakova 12 yoşlilar örtasida 2-örinni, Asaloy Arabova 9 yoşlilar örtasida 2-örinni qölga kiritişga muvaffaq böldilar. Öz çiqişlarini mahorat bilan ijro etgan iqtidorli sportçi qizlar oltin, kumuş medallar bilan qaytdilar.

Mamlakatimizda sportni rivojlantirişga alohida eʼtibor qaratilayotgani tufayli sportning boşqa turlari qatorida badiiy gimnastika ham tobora ommalaşib bormoqda. Sport maktabimizda yaratilgan imkoniyatlardan samarali foydalanayotgan va sportda yuqori çöqqilarni zabt etişga qodir iqtidor egalari köp. Ular özlarining ortidan yana minglab qizlarni soğlom turmuş tarzi sari yetaklaş bilan birga nufuzli musobaqalarning sovrindorlari bölişga ham intilişmoqda.

Maʼmura Matyoqubova, tuman BÖSM

badiiy gimnastika guruhi murabbiysi.