“Qilichboy” madaniyat markazida bayram tadbiri oʻtkazildi
Ayollarning jamiyatdagi, oiladagi oʻrni va taʼsiri, yurt ravnaqiga qoʻshayotgan hissasi bilan birga ulardagi ajoyib fazilatlarni hech narsa bilan qiyoslab, baholab boʻlmaydi. Shu bois koʻklamning ilk bayrami 8-mart – Xalqaro xotin-qizlar kunida nafaqat bizning diyorimizda, balki dunyoning turli burchaklarida tadbirlar oʻtkazilib, ayollarga ehtirom koʻrsatiladi.
Qilichboy ovulidagi “Qilichboy” madaniyat markazida ham ushbu bayram munosabati bilan barcha ayol-qizlarga katta tadbir tashkil etildi. Madaniyat markazi sanʼatkorlari va toʻgarak aʼzolari tomonidan tashkillashtirilgan bayram tadbirini markaz mudiri I.Siytimov tabrik soʻzlari bilan ochib berdi. Tabriklardan ruhlangan bayram sohibalariga tadbir davomida musiqiy dastur namoyish etildi. Barchaga oʻzgacha kayfiyat ulashgan dilrabo kuy va qoʻshiqlar ayol-qizlarning raqslariga ulanib ketdi.
Oʻtkazilgan ushbu tadbir ovul ayol-qizlariga olam-olam zavq va shavq, koʻtarinki kayfiyat bagʻishladi.
O.Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
