2018-yilda Amudaryoda 4735 nafar chaqaloq tugʻilgan

2019-yil 1-yanvar holatiga Amudaryo tumani aholisi 195,2 ming nafarni tashkil qildi. Bu haqda tuman Statistika boʻlimi maʼlum qilmoqda.

2018-yil yakuniga koʻra aholining tabiiy oʻsishi 3862  nafarni, har ming aholiga nisbatan 20 nafarni tashkil qilgan.

2018-yil davomida 4735 nafar chaqaloq tugʻilgan va 873 nafar kishi vafot etgan.

Oʻtgan yil davomida tuman boʻyicha 1710 ta nikoh qayd qilingan. Hisobot davrida tuman hududiga 398 nafar kishi koʻchib kelgan, 604 nafar aholi tumandan koʻchib ketgan.

Tumanimizni 2018-yilda ijtimoiy-iqtisodiy rivojlantirish borasida amalga oshirilgan ishlar natijasida qator ijobiy natijalarga erishilgan. Jumladan:

- sanoat ishlab chiqarish 288,9 mlrd. soʻmni tashkil qilib, oʻtgan yilga nisbatan 113,4 foizga oshgan, bu esa oʻrtacha aholi jon boshiga 1 mln. 494 ming soʻmdan toʻgʻri keladi;

- xalq isteʼmol mollari ishlab chiqarish 124,6 mlrd. soʻmni tashkil qilib, oʻtgan yilga nisbatan 113,7 foizga oshgan, bu esa oʻrtacha aholi jon boshiga 644,4 ming soʻmdan toʻgʻri keladi;

- qishloq xoʻjalik yalpi mahsuloti 1 trillion 197 mlrd. soʻmni tashkil qilib, oʻtgan yilga nisbatan 111,2 foizga oshgan, bu esa oʻrtacha aholi jon boshiga 6184,7 ming soʻmdan toʻgʻri keladi;

- kapital qoʻyilmalar 155,4 mlrd. soʻmni tashkil qilib, oʻtgan yilga nisbatan 125,3 foizga oshgan, bu esa oʻrtacha aholi jon boshiga 803,5 ming soʻmdan toʻgʻri keladi;

- qurilish ishlari 107,4 mlrd. soʻmni tashkil qilib, oʻtgan yilga nisbatan 104,7 foizga oshgan, bu esa oʻrtacha aholi jon boshiga 555,6 ming soʻmdan toʻgʻri keladi;

- chakana savdo 314,1 mlrd. soʻmni tashkil qilib, oʻtgan yilga nisbatan 104,6 foizga oshgan, bu esa oʻrtacha aholi jon boshiga 1 mln. 624 ming soʻmdan toʻgʻri keladi.

- xizmat koʻrsatish 162,0 mlrd. soʻmni tashkil qilib, oʻtgan yilga nisbatan 106,3 foizga oshgan.

Shuningdek, tumanda eksportyor korxonalar tomonidan jami 6,2 mln. AQSh dollarlik yaʼni oʻtgan yilga nisbatan 1,4 karra koʻp mahsulotlar eksport qilindi.