Amudaryo tumanida 2276 ta yuridik shaxslar davlat roʻyxatidan oʻtgan, shularning 2090 tasi faoliyat yuritmoqda

2018-yilning 1-oktyabr holatiga Amudaryo tumani boʻyicha roʻyxatga olingan yuridik shaxslar soni 2276 tani tashkil qilib, shundan 2090 tasi yoki 91,9 foizi faoliyat koʻrsatmoqda. Bu haqda tuman Statistika boʻlimi maʼlum qildi.

Iqtisodiy faoliyat turlari boʻyicha roʻyxatga olingan korxona va tashkilotlarning asosiy qismi qishloq va oʻrmon xoʻjaligi (1394 ta, 61,2 foiz), savdo (202 ta, 8,9 foiz), sanoat (128 ta, 5,6 foiz) hamda maishiy xizmatlar (79 ta, 3,5 foizi) sohalariga toʻgʻri keladi.

Roʻyxatga olingan korxonalar umumiy sonining 9,8 foizi notijorat mulkini tashkil etib, qolgan 90,2 foizi tijorat mulki shaklidagi korxonalar, shundan 6,2 foizi xususiy korxonalar, 0,2 foizi chet el sarmoyasi ishtirokidagi korxonalar, 83,8 foizi boshqa korxonalar ulushiga toʻgʻri keladi.