Qilichboy ovulida terimchilar uchun musiqiy tadbirlar oʻtkazilmoqda
Qilichboy ovulidagi Madaniyat va aholi dam olish markazi qayta taʼmirlanib, foydalanishga topshirildi. Ayni paytda markazda faoliyat koʻrsatayotgan toʻgaraklarga jalb etilayotgan sanʼatga havas qoʻygan yoshlar koʻlami yanada ortmoqda.
Zamonaviy qiyofaga keltirilib, barcha qulayliklar yaratilgan markazdagi toʻgaraklarda yoshlardagi iqtidor va isteʼdodni shakllantirayotgan, ularga sanʼat sirlaridan taʼlim berayotgan madaniyat xodimlari shogirdlari bilan birgalikda koʻngilochar musiqiy dasturlar tayyorlashmoqda. Ovulda turli tadbirlar tashkil etib, aholining madaniy hordiq chiqarishini taʼminlashmoqda.
– Markazimiz direktori Ikrom Siytimov rahbarligida nafaqat tuman miqyosidagi balki Pespublika miqyosidagi tadbirlarda ham qatnashib kelayapmiz, – deydi drama toʻgaragi rahbari Mirsaid Qodirov. – Yaqinda yoshlar sport haftaligi yakunlanishi munosabati bilan Nukus shahridagi amfiteatrda oʻtkazilgan katta tadbirda ham ashula va raqslarimiz bilan ishtirok etib keldik.
“Qilichboy” Madaniyat va aholi dam olish markazi xodimlari hamda toʻgarak aʼzolari paxta terimi qizgʻin ketayotgan ayni pallada terimchilar uchun dala shiyponlarida musiqiy tadbirlar namoyish etib, xizmat koʻrsatishmoqda. Yaxshi dam-mehnatga hamdam deganlaridek, mehnatkashlar hordiq chiqarishlarini taʼminlayotgan madaniyat markazi xodimlaridan nihoyatda mamnun boʻlishmoqda.
Oʻktam Bozorboyev,
“Qilichboy” Madaniyat markazi xodimi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
