Xotin-qizlar sport haftaligi davom etmoqda
Oʻzbekiston Respublikasi Prezidenti boshchiligida joriy yilning 20-sentyabr kuni boʻlib oʻtgan “Jismoniy tarbiya va sport sohasini yanada rivojlantirish boʻyicha istiqboldagi muhim vazifalar toʻgʻrisida”gi majlis bayoni va kalendar rejasi ijrosini taʼminlash, aholi, ayniqsa xotin-qizlar oʻrtasida sportni ommalashtirish va sogʻlom turmush tarzini keng targʻib qilish maqsadida 8-13-oktyabr kunlari mamlakatimiz boʻylab “Xotin-qizlar sport haftaligi” oʻtkazilmoqda.
Haftalik doirasida korxonalar, taʼlim muassasalari, istirohat bogʻlarida ommaviy badantarbiya va gimnastika mashgʻulotlari oʻtkazilmoqda, bunday mashqlarning inson salomatligi uchun foydaliligi targʻib qilinmoqda.
Amudaryo tumanida ham sport haftaligi doirasida qator tadbirlar oʻtkazilmoqda. Dushanba kuni 27 ming nafardan ortiq, seshanba kuni 30 ming nafardan ortiq xotin-qizlar ishtirokida mahallalar, taʼlim muassasalari, kasb hunar kollejlari va istirohat bogʻlarida ommaviy tarzda badantarbiya mashqlari boʻlib oʻtmoqda.
Shuningdek, xotin-qizlar oʻrtasida turli xil sport tadbirlari oʻtkazilmoqda. 8-oktyabr kuni voleybol boʻyicha oʻtkazilgan musobaqalarda 187 nafar ishtirokchilar, shundan 67 nafari uyushmagan ayollar, 9-oktyabr kuni oʻtkazilgan velopoyga musobaqalarida 77 nafar ayol-qizlar shundan 6 nafari uyushmagan ayollar qatnashdilar.
10-oktyabr kuni erta tongdan boshlab 4 ta joyda ommaviy badantarbiya va gimnastika mashgʻulotlari oʻtkazldi. Shu kuni tumanimiz ayollari sportning stol tennisi turi boʻyicha ham kuch sinashdilar.
Bugun - 11-oktyabr kuni erta tongdan boshlangan badantarbiya mashgʻulotlari 11-oktyabr - Xalqaro qizlar kuni munosabati bilan tashkil qilingan tadbirlarga ulanib ketdi.
Sport tadbirlari davom etmoqda.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
