Xalq deputatlari Amudaryo tuman Kengashining yigirma toʻqqizinchi sessiyasi toʻgʻrisida AXBOROT

Xalq deputatlari tuman Kengashining yigirma toʻqqizinchi sessiyasida tuman Kengashi deputatlari, hokim oʻrinbosarlari, hokimlik masʼul xodimlari, hokimlik boʻlimlari, jamoat tashkilotlari hamda ommaviy axborot vositalari vakillari ishtirok etdilar.

Sessiyani 24-"Qangli” saylov okrugidan deputat, tumanimiz hokimi Rajabboy Yoʻldoshev ochdi va olib bordi. Sessiya kotibligiga 19-"Oq oltin” saylov okrugidan deputat Ikrom Yuldashev saylandi.

Sessiya kun tartibiga "Veterinariya toʻgʻrisida”gi Oʻzbekiston Respublikasi Qonunining tumanda ijrosi haqida”gi, "Oʻzbekiston Respublikasi Prezidentining 2013-yil 4-yanvardagi "Qishloq joylarda namunaviy loyihalar boʻyicha yakka tartibdagi uy-joylar qurilishining 2013-yil Dasturi toʻgʻrisida”gi PQ-1902-sonli qarorining ijrosi yuzasidan tuman bosh meʼmori A.Kurbanbayevning hisoboti haqida”gi, "Oʻzbekiston Respublikasi Prezidentining 2012-yil 10-dekabrdagi "Chet tillarni oʻrganish tizimini yanada takomillashtirish chora-tadbirlari toʻgʻrisida”gi PQ-1875-sonli qarorining tumandagi taʼlim muassasalarida ijrosi yuzasidan tuman xalq taʼlimi muassasalari faoliyatini metodik taʼminlash va tashkil etish boʻlimi mudiri A.Matmuratovning hisoboti haqida”gi, "Tuman xotin-qizlar qoʻmitasining "Mahalla” xayriya jamoat fondi tuman boʻlinmasi, "Nuroniy” jamgʻarmasi tuman boʻlinmasi, "Kamolot” yoshlar ijtimoiy harakati tuman Kengashi, "Yusuf Eshon bobo” jomʼe masjidi bilan birgalikda mahallalarda toʻy-hashamlar, oilaviy tantanalar, maʼraka va marosimlarni ixchamlashtirish boʻyicha olib borayotgan ishlari yuzasidan tuman xotin-qizlar qoʻmitasi raisi M.Axmedovaning hisoboti toʻgʻrisida”gi, "18-Bobur saylov okrugidan xalq deputatlari tuman Kengashining deputati R.Yusupovning deputatlik faoliyati yuzasidan hisoboti toʻgʻrisida”gi hamda "Xalq deputatlari Amudaryo tuman Kengashining 2013-yil 27-sentyabrdagi 127/28-4-sonli qarori bilan tasdiqlangan Amudaryo tumani hududida fuqarolar yigʻinlari raislari (oqsoqollari) va ularning maslahatchilari saylovini tashkil etish hamda oʻtkazishga koʻmaklashuvchi tuman komissiyasi tarkibiga oʻzgartirish kiritish toʻgʻrisida”gi masalalar kiritildi.

Kun tartibidagi birinchi, ikkinchi va uchinchi masalalar boʻyicha tuman hokimi Rajabboy Yoʻldoshev axborot berib oʻtdi.

Kun tartibidagi toʻrtinchi masala boʻyicha tuman xotin-qizlar qoʻmitasi raisi Maryam Axmedova, "Mahalla” xayriya jamoat fondi tuman boʻlinmasi raisi Rustam Roʻzmetov, "Nuroniy” jamgʻarmasi tuman boʻlinmasi raisi Ismoil Toʻrayev, "Kamolot” yoshlar ijtimoiy harakati tuman Kengashi raisi Mansur Oʻrozboyev, "Yusuf Eshon bobo” jomʼe masjidi imom xatibi Abduraxmon Matsapayevlar mahallalarda toʻy-hashamlar, oilaviy tantanalar, maʼraka va marosimlarni ixchamlashtirish boʻyicha olib borayotgan ishlari yuzasidan hisobot berdilar.

Shuningdek, sessiyada 18-Bobur saylov okrugidan deputat Rustam Yusupov deputatlik faoliyati yuzasidan hisobot berdi va «Fuqarolar yigʻini raisi (oqsoqoli) va uning maslahatchilari saylovi toʻgʻrisida»gi Oʻzbekiston Respublikasi Qonunining 12-moddasiga muvofiq tuman hududi fuqarolar yigʻini raisi (oqsoqoli) va uning maslahatchilari saylovini tashkil etish hamda oʻtkazishga koʻmaklashuvchi tuman komissiyasi tarkibiga oʻzgartirish kiritildi.

Kun tartibidagi masalalar boʻyicha bildirilgan fikr va mulohazalar inobatga olinib, tegishli qarorlar qabul qilindi. Shuning bilan sessiya oʻz ishini yakunladi.