TADBIRKORLAR UChUN TARGʻIBOT TADBIRI OʻTKAZILDI
Yurtimizda toʻgʻridan-toʻgʻri investitsiyalarni jalb etish uchun qulay muhitni yaratish maqsadida iqtisodiyotni liberallashtirish, tadbirkorlik subʼektlari faoliyatiga asossiz aralashuvlarga barham berish, litsenziyalash tartib-taomillarini soddalashtirish kabi koʻpgina chora-tadbirlar amalga oshirilmoqda.
Mamlakatimiz Prezidenti Sh.Mirziyoyevning shu yil 1-avgustda qabul qilingan “Oʻzbekiston Respublikasida investitsiya muhitini tubdan yaxshilash chora-tadbirlari toʻgʻrisida”gi Farmoni endilikda bu borada olib borilayotgan ishlarni yangi bosqichga koʻtarishga xizmat qiladi.
Mamlakatda investitsiya muhitini yanada yaxshilash, toʻgʻridan-toʻgʻri investitsiyalarni jalb etilishini ragʻbatlantirish, investorlarning bu boradagi davlat siyosatining izchilligiga boʻlgan ishonchini mustahkamlash va investorlar bilan ishlashda davlat tuzilmalarining masʼuliyatini oshirishga xizmat qiluvchi Farmon mazmun-mohiyatini tadbirkorlik subʼektlariga, tadbirkorlik faoliyati bilan shugʻullanish istagidagi fuqarolarga tushuntirish juda muhimdir.
Qoraqalpogʻiston Respublikasi Adliya vazirligi, tuman Adliya boʻlimlari masʼul xodimlari zimmasiga Farmon ahamiyati va maqsadlarini manzilli targʻib qilish borasida ulkan vazifalar yuklandi.
Tuman Adliya boʻlimi mazkur vazifalar ijrosini taʼminlash yuzasidan chora-tadbirlar rejasini belgiladi. Shunga muvofiq joriy yilning 10-avgustida tuman hokimligida mazkur Farmon mohiyatini targʻib etishga bagʻishlangan uchrashuv oʻtkazildi.
Uchrashuvda tadbirkorlar, hokimlik masʼul xodimlari ishtirok etdilar.
Tuman Adliya boʻlimi boshligʻi M.Matyusupov, tuman hokimining investitsiyalar, innovatsiyalar, xususiylashtirilgan korxonalarga koʻmaklashish va kichik sanoat zonalari hamda turizmni rivojlantirish boʻyicha oʻrinbosari R.Salayevlar Farmonga muvofiq tadbirkorlarga yaratilayotgan imkoniyatlar haqida keng tushuntirdilar, tadbirkorlarni qiziqtirgan savollarga javoblar berdilar.
Uchrashuv ishtirokchilari yaratilayotgan imkoniyatlar iqtisodiyotimizning barqaror rivojlanishi uchun asos boʻlib xizmat qilishini taʼkidladilar.
O.RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
