Amudaryoda yoshlar kuni munosabati bilan velomarafon tashkil qilindi (+video)
Oʻzbekiston Yoshlar Ittifoqi tashkil topgan kunni munosib nishonlash maqsadida tumanimizda yoshlar oʻrtasida turli tadbirlar va tanlovlar tashkil qilinmoqda.
27-iyun kuni erta tongda “Biz sogʻlom turmush tarafdorimiz” shiori ostida tuman Jismoniy tarbiya va sport boʻlimi, oʻzini oʻzi boshqarish organlari faoliyatini muvofiqlashtirish tuman Kengashi hamda Yoshlar ittifoqi tuman Kengashi tomonidan tashkillashtirilgan yoshlar velomarafoni oʻtkazildi. Velomarafonda tumandagi umumtaʼlim va oʻrta maxsus taʼlim muassasalari oʻquvchilari, 30 yoshgacha boʻlgan uyushmagan yoshlar ishtirok etdi.
“Vaxum” aholi punktidan tuman hokimligi binosigacha boʻlgan masofada oʻtkazilgan marafonda ishtirok etgan yosh sportchilar velosipedlarni mohirona va epchillik bilan boshqarib, bir-biridan oʻtishga harakat qildilar. Barcha sportchilarni ortda qoldirib, birinchilardan boʻlib marraga yetib kelgan Amudaryo qishloq xoʻjaligi kasb-hunar kolleji oʻquvchisi Ravshanbek Qurbonboyev 1-oʻrin, Amudaryo akademik litseyi oʻquvchisi Javlon Olimov 2-oʻrin, 12-maktab oʻquvchisi Mahkambek Olimov 3-oʻrin gʻoliblari boʻlishga erishdilar.
“Biz – sogʻlom turmush tarafdorimiz” shiori ostida oʻtkazilgan velomarafon gʻoliblari 30-iyunda Yoshlar kuni munosabati bilan oʻtkaziladigan katta tadbirda taqdirlanadilar.
Velomarafon qizgʻin va koʻtarinki kayfiyatda boʻlib oʻtdi.
O.XUDOYBERGANOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
