SPORT VA FAN TOʻGARAKLARI – BOLANING DUNYoQARAShINI ShAKLLANTIRADI
Bolaning aqliy va jismoniy jihatlan shakllanishida maktab taʼlimi bilan sportning omuxtaligi muhim ahamiyatga ega. Chunki ertalabki badantarbiya yoki biron bir sport turi bilan muntazam shugʻillanadigan bola tetik va aqliy faol boʻladi hamda darslarni oson oʻzlashtiradi. Bunday bolalarda erkin fikrlash qobiliyati ham erta shakllanadi.
Men oʻz pedagogik faoliyatimda bolalarning fanlarni oʻzlashtirishida sportning, shu barobarida fanlar boʻyicha qiziqarli oʻyinlarning samarasini koʻp bora kuzatganman. Oʻzim ishlaydigan 16-sonli ixtisoslashtirilgan davlat umumtaʼlim maktabi oʻquvchilari orasida nafaqat bilimdonlar, balki turli koʻrik-tanlovlar va sport musobaqalarining gʻoliblari ham koʻp.
Yaqinda Navoiy viloyati jismoniy tarbiya va sport boshqarmasi tomonidan oʻtkazilgan Karate –VKF boʻyicha 5 yoshdan 17 yoshgacha va 18 yoshdan katta boʻlgan oʻgʻil va qiz bolalar oʻrtasidagi viloyat ochiq chempionatining kumite bahslarida maktabimizning 1-sinf oʻquvchisi Amirxon Ozodboyev II Darajali diplom, kumush medal sohibi boʻldi.
Xotira va qadrlash kuni munosabati bilan Qoraqolpogʻiston Karate Federatsiyasi sobiq prezidenti Xalilla Aliyev va Karate kurashi boʻyicha Oʻzbekiston chempioni Ruslan Toʻrayevlar xotirasiga bagʻishlab oʻtkazilgan Xotira turnirida esa 16-maktab oʻquvchisi Goʻzaloy Ozodboyeva faxrli uchinchi oʻrinni egalladi. Goʻzaloy ham Navoiy viloyatida oʻtkazilgan ochiq chempionatda 8-9 yoshli qiz bolalar oʻrtasidagi bahslarda 2-oʻrinni egalladi va II Darajali diplom, kumush medal sohibasi boʻldi.
Har ikkala oʻquvchimiz ham oʻqishda va jamoat ishlarida faolligi, dunyoqarashining kengligi bilan ajralib turadilar. Ayniqsa, sinfda va sinflararo oʻtkaziladigan “Qiziqarli matematika”, “Qiziqarli ona tili”, “Ingliz tilida soʻzlashamiz” kabi zakovat bahslarida savollarga tez, dadil va aniq javob berishga intiladilar. Bundan ham muximi, sportga oshno oʻquvchilarimizni kun boʻyi tetiklik va faollik tark etmaydi. Har bir darsga ongli ravishda, qiziquvchanlik bilan yondashadilar.
Demak, bola oiladami, maktabda boʻladimi, shaxsiy qiziqishlari eʼtiborga olinsa va uning oʻzi yoqtirgan mashgʻulot bilan shugʻullanishi uchun sharoit yaratib berilsa, oʻquvchining fanlarni oʻzlashtirishida muammo boʻlmaydi. Ayniqsa, sport toʻgaraklari, musiqiy taʼlim, fanlar boʻyicha toʻgaraklarga qatnashuvchi bola hayotga sogʻlom nazar balan qarashni oʻrganadi, bilimga intiluvchan, intizomli boʻlib ulgʻayadi.
Sharofat JUMATOVA, 16-sonli ixtisoslashtirilgan davlat
umumtaʼlim maktabi boshlangʻich sinf oʻqituvchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
