Maktab binosining yangi qiyofasi

Mamlakatimiz mustaqilligining 22-yilligi arafasida Kuyuk koʻpir ovulidagi 19-sonli maktab binosi kapital rekonstruktsiya qilinib, foydalanishga topshirildi. Mukammal taʼmirlangan maktabning oldingi binosi va qoʻshimcha qurilgan 10 ta xonali yangi blokda maktabda taʼlim oluvchi yoshlar uchun barcha sharoitlar yaratilgan.
30-avgust kuni boʻlib oʻtgan ochilish marosimida soʻz olganlar yurtimizda taʼlim tizimiga berilayotgan eʼtibor xususida toʻlqinlanib gapirdilar.
Aytish joizki, joriy yilda tumanimiz boʻyicha 2004-2009-yillarda matkb taʼlimini rivojlantirish davlat umummilliy dasturining uzviy davomi sifatida 2 ta maktab kapital rekonstruktsiya qilinib, 3 ta maktab kapital taʼmirlanmoqda.
Yangi oʻquv yili arafasida foydalanishga topshirilgan maktab binosi ovul yoshlari va maktab jamoasi uchun mustaqillik bayrami arafasida katta tuhfa boʻldi.