MAʼNAVIY YeTUKLIKKA XIZMAT QILUVChI HUJJAT
Muhtaram Prezidentimiz Shavkat Mirziyoyevning shu yil 13 sentyabrda qabul qilgan "Kitob mahsulotlarini nashr etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targʻib qilish boʻyicha kompleks chora-tadbirlar dasturi toʻgʻrisida”gi qarori mamlakatimizning barcha joylarida boʻlgani kabi bizning tumanimiz aholisi tomonidan ham katta xursandchilik bilan kutib olindi.
Ushbu qarorda jamiyatimiz hayotida ezgu qadriyat va anʼnalarni chuqur qaror toptirish, xususan, xalqimiz, ayniqsa, yosh avlodning maʼnaviy intellektual salohiyati, ong-u tafakkuri va dunyoqarashini yuksaltirish, ona Vatani va xalqiga muhabbat hamda sadoqat tuygʻusi bilan yashaydigan barkamol shaxsni tarbiyalashda beqiyos ahamiyatga ega boʻlgan kitobxonlik madaniyatini oshirish maqsadida bu yoʻnalishda tegishli huquqiy-meʼyoriy bazani mustahkamlash, tashkiliy-amaliy ishlarni zamon talablari asosida olib borish, bu masalaga keng jamoatchilikni jalb etish boʻyicha bir qancha ishlarning amalga oshirilayotganligi taʼkidlandi.
Mazkur qarorda maʼnaviy hayotimizni yuksaltirishda ulkan ahamiyatga ega boʻlgan ana shunday muhim vazifalarni kompleks hal qilish, kitob mahsulotlarini nashr etish va tarqatish tizimini takomillashtirish, oʻzbek va dunyo adabiyotining eng yaxshi namunalarini internet tarmoqlariga joylashtirish va ularni targʻib qilish hamda keng kitobxonlar ommasiga yetkazish ishlarini samarali tashkil etish maqsadida qator vazifalar belgilandi.
Qarordagi qishloq aholisiga kutubxona xizmati koʻrsatish tizimini tashkil etish choralari toʻgʻrisida tadbirlar rejasi loyihasini tayyorlash va amalga oshirish boʻyicha belgilangan vazifa men deputatlikka saylangan 23-Bobur saylov okrugi hududi aholisini nihoyatda ruhlantirib yubordi.
Ayni kunda biz deputatlar saylovchilarimiz bilan oʻtkazayotgan uchrashuvlarimizda kitobxonlik masalasiga kengroq toʻxtalayapmiz. Bu uchrashuvlarda, albatta, saylovchilar: "Qishlogʻimizda kutubxona boʻlmasa, biz kitobni qayerdan olamiz?” kabi savollarni berishayati. Biz bunday savollarga javoban muhtaram Prezidentimiz tomonidan yaqinda qabul qilingan "Kitob mahsulotlarini nashr etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targʻib qilish boʻyicha kompleks chora-tadbirlar dasturi toʻgʻrisida”gi qarori asosida kutubxonalarni koʻpaytirib, ularning faoliyatini jonlantirish yuzasidan katta ishlar boshlangani haqida tushunchalar berayapmiz.
Biz saylovchilarimiz bilan kitob mutolaasi haqida soʻzlashganimizda ularda kitob oʻqishga boʻlgan ishtiyoqni sezib turamiz.
Shu boisdan ham oʻylaymanki, muhtaram Prezidentimizning mazkur qarori yurtdoshlarimizni maʼnaviy-maʼrifiy jihatdan yetuklikka eltuvchi xayrli ishlar debochasidir.
Ravshan XOLMURODOV,
xalq deputatlari tuman Kengashi deputati.
(Foto - http://uza.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
