GʻOLIB SPORTChILAR ANIQLANDI
Barcha sohalarda boʻlgani kabi mamlakatimiz sport sohasida ham "Xalq bilan muloqot va inson manfaatlari yili” davlat Dasturi doirasida turli xil musobaqalar, turnirlar oʻtkazilayotgani qobiliyatli va kuchli sportchilar safining oshishiga xizmat qilmoqda.
Shu yilning 16-17-avgust kunlari boʻlib oʻtgan Qoraqalpogʻiston Respublikasining kurash boʻyicha VII "Teleturnir – 2017” musobaqalari kurash sporti boʻyicha yangi nomlarni kashf etdi. 2003-2004-yillarda tugʻilgan oʻsmir oʻgʻil bolalar va qizlar oʻrtasida oʻtkazilgan "Teleturnir – 2017”musobaqalariga bizning Amudaryo tumanimiz mezbonlik qildi. Unda Qoraqalpogʻiston Respublikasining barcha tuman va shaharlaridan kelgan iqtidorli yosh polvonlar toʻqqizta vazn toifasida oʻzaro kuch sinashdilar. Keskin kurash, doʻstlik va adolat tamoyillari asosida oʻtgan musobaqalarda tumanimiz jamoasi Moʻynoq tumani jamoasini 8:1, Taxiatash shahri sportchilar jamoasini 7:2 hisob bilan yengib, musobaqaning final bosqichida Nukus shahri jamoasini 7:2 hisobida magʻlubiyatga uchratdilar va "Teleturnir – 2017” musobaqalarining 1-pogʻonasidan joy oldilar.
Musobaqa yakuniga koʻra, tumanimiz sportchilari birinchi, Nukus shahri ikkinchi, Xoʻjayli tumani va Taxiatosh shahri jamoalari uchinchi oʻrinni egalladilar.
Musobaqa gʻoliblari Qoraqalpogʻiston Respublikasi sport qoʻmitasi, Respublika Bolalar sportini rivojlantirish jamgʻarmasi hamda Kurash federatsiyasi tomonidan kubok, medallar hamda qimmatbaho sovgʻalar bilan taqdirlandilar.
Ushbu musobaqada tumanimiz sharafini himoya qilgan sportchilar Zokir Boltaboyev, Rustam Yoʻldoshev, Shohruh Sobirov, Anvar Tojiboyev, Sardor Agaboyev hamda ularning murabbiyi Zulhijja Xudoyorovaga, sportchilar Sanjar Murodboyev va Shahnoza Yangiboyevalarga murabbiylik qilgan Poʻlat Kumekovga, polvon qiz Mahbuba Kenjaboyeva hamda uning murabbiyi Tazaboy Matchanovlarga tumanimiz sportini rivojlantirish borasidagi samarali faoliyatlari uchun Qoraqalpogʻiston Respublikasi sport qoʻmitasi tomonidan minnatdorchilik bildirildi.
Bu yutuqlar, albatta, sportchilarimizni yanada yuksakroq marralarni koʻzlab yashashga undaydi.
Maqsud Kenjayev, BOʻSM direktori oʻrinbosari.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
