EL-YuRTGA BAXŞIDA UMR

Hayot qança totli bölmasin, intihosi bor, kimdir uzoq, kimdir qisqa umr köradi. Şu masofa oraliğida qilgan işlari, ezgu amallari umrini bezaydi, mangulikka daxldor qiladi.

Muhtaram Prezidentimiz I.Karimov vafotidan çuqur qayğuga botgan tumanimiz xalqini 2016-yilning 8-sentyabr tongida yana bir mudhiş xabar qarşi oldi: tumanimiz hokimi, Amu elining fidoyi va jonkuyar farzandi, ğamxör rahbar, talabçan ustozimiz Rajapbay aka Yöldaşev oğir kasallikdan vafot etdi. Uşbu qayğuli damlarda men ustozimizning oila aʼzolariga, barça qarindoş-uruğlariga va butun tumanimiz xalqiga öz hamdardligimni bildiraman.

Men Rajapbay Yöldaşev bilan uzoq yillar, avval "Amudaryo haqiqati” gazetasi muharriri, keyinçalik hokim muovini sifatida birga işlaşga, u kişining maslahatlarini, yöl-yöriqlarini olişga va öz faoliyatim davomida ulardan foydalanişga muşarraf bölganimdan faxrlanaman.

Xuddi hozirgiday esimda, u kişi hokimlik masʼul xodimlari bilan yo korxona, taşkilotlar rahbarlari bilan qanday masalada yiğiliş ötkazmasin, bir gapni köp takrorlardilar: "Bizga tumanimiz xalqi suyanadi, umid bilan qaraydi, xalq gazsiz, elektr energiyasisiz yo suvsiz ötirsa, yo boşqa muammolar girdobida qolib ketsa... unda bizning nima keragimiz bor, biz kimman deb boş kötarib yuramiz?”

Rajapbay Yöldaşev tumanga rahbarlik qilgan yillarida xalqimizni qançalik farovon, turmuşini obod körişni istagan bölsa, fidoyi mehnatlari tufayli, odamlarni ham şu niyatlari yölidan boşlab, maqsadlariga erişdilar, deb ayta olaman. Tumanimizdagi barça sohalarda erişilgan yutuqlar, yuksalişlar, dasturxonlarimiz tökinligi, turmuşimizning obodonligi zamirida u kişining maşaqqatli mehnatlari mujassamdir.

Heç esimdan çiqmaydi: 2005-yilning izğirinli kuz kunlarida Amudaryoning ostidan tumanimizga gaz tarmoği tortilgan damlarda çarçaganiga, sovuq yeganiga ham qaramay, Rajapbay aka jarayonning  boşida turdi. Tezroq xalqimizning tabiiy gaz bilan taʼminlanişiga oşiqdi.

Öşa hudud aholisi, tumanimizdagi korxona, taşkilotlar rahbarlari, fermerlar işlovçilarga navbatma-navbat ovqat, çoy taşib turganini körib:

- Şunday ahil, borini el bilan baham köradigan odamlarimiz uçun har qança xizmat qilsak oz, - degandilar quvonib.

Tumanimiz xalqi öz rahbarini, jonkuyarini, fidoyi öğlonini qançalik  sevmasin, Yaratganning hukmi oldida  ojiz. Katta-yu kiçik çeksiz qayğu bilan, alamli yoşlari bilan Rajapbay Yöldaşevni sönggi yölga kuzatdi. Uning xotirasi qalblarimizda abadiy saqlanib qoladi.

Xonimjon RAJABOVA,

"Barkamol avlod” bolalar markazi direktori, Qoraqalpoğiston Respublikasida xizmat körsatgan madaniyat xodimi.

***

Neça oylarki, tumanimiz mehnatkaşlari  tumanimiz rahbari, talabçan va ayni paytda ğamxör, qatʼiyatli ustozimizning soğ-salomat safga qaytişini tilab, u kişining yöqligini bildirmay, sidqidildan mehnat qilib, barça sohalarda yutuqlarga erişib, u kişining dardini yengillatişga harakat qilişmoqda edi.

Afsus, Qoraqalpoğiston Respublikasi Jöqorği Kengesi va tuman Kengaşi deputati, "Şuhrat” medali, "Mehnat şuhrati” ordeni sohibi, Qoraqalpoğiston Respublikasida xizmat körsatgan iqtisodçi, iqtisod fanlari nomzodi Rajapbay Yöldaşev oramizdan juda erta ketdi.

Men özim rahbarlik qilayotgan "Amirxon” fermer xöjaligimizning yillik paxta topşiriş rejasini bajarganimni u kişiga quvonib aytişga çoğlangan vaqtimda şu maşʼum xabarni eşitdim. Rajapbay akaga kiçkina bölsa-da xuşxabar aytsak, özida yöq quvonar, hali sizlarning  qölingizdan köp işlar  keladi, deya yana ham işga şönğib ketişga ruhlantirar edilar.

U kişining yöl-yöriqlari, maslahatlarini olib işlab, kam bölmadim. 2008-yilda "Qiliçboy” MMTP raisligini, 2012-yilda tuman fermerlar Kengaşi raisligini menga işonib topşirgan bölsalar, bu vazifalarni sidqidildan ado etişga harakat qildim. Umuman, Rajapbay aka barça rahbarlarni  ham qöllar, kerak paytda muammolarini tinglab, yeçim topişiga kömaklaşardi. Dala kezib yurgan yo  tuman hayotiga oid boşqa muammolar bilan şuğullanayotgan bölsa-da, oddiy xalqning hayotini heç nazardan qoçirmas, hudud rahbarlariga doim ana şu odamlar uçun işlayotganingizni unutmang, deb uqdirardi.

Rajapbay aka Yöldaşev özining işçanligi, bilimdonligi, tumanimizda barça jabhalarning taraqqiyoti uçun birday qayğuradigan fidoyi va jonkuyarligi bilan barçaga namuna edi.

Aziz ustozimizning xotirasi qalblarimizda abadiy saqlanib qoladi.

Otaxon QURBONIYoZOV,

"Amirxon” fermer xöjaligi raisi, Qoraqalpoğiston Respublikasida xizmat körsatgan qişloq xöjaligi xodimi.