TOZA IChIMLIK SUVI
Bizning sogʻligimiz oziq-ovqat mahsulotlarining sifatiga va suvimizning tozaligiga koʻp jihatdan bogʻliqdir. Shu bois, toza suv toza havo sogʻligimiz garovi deb bejizga aytilmaydi.
Aholini toza ichimlik suvi bilan taʼminlash maqsadida tumanimizda yangi dastur loyihasi ishlab chiqilib amalga oshirilmoqda. Joriy 2013 yil - "Obod turmush yili”ning oʻzida "Choykoʻl” ovuli aholisining bir qismini toza ichimlik suvi bilan taʼminlash uchun "Vahum” – "Taqir qalʼa” – "Boʻz suv” – "Choykoʻl” ovullari boʻylab 7,7 kilometr uzunlikda toza ichimlik suvi uzatib haydaladigan quvurlar tortilmoqda. Bu koʻlamdor ishlarning umumiy tender bahosi 2,5 milliard soʻmga yaqindir. Quvur tortish ishlarini shu ishga ixtisoslashgan Nukusdagi "Keramika-qurilish” MChJ quruvchi-montajchilari amalga oshirmoqdalar. Mazkur quvurga uzatib haydalgan suvni 7,7 kilometr masofadan keyin yana navbatdagi manzilga haydab beradigan (sutkasiga 1000 metr kub suvni haydaydigan) yuqori quvvatli nasos stantsiyasi ham qurilmoqda. Bu yangi nasos stantsiyasi "Mangʻit-Qipchoq” yoʻnalishidagi katta asfalt yoʻl boʻyidagi "Choykoʻl” ovulining "Orqa ovul” aholi punktida joylashgan. Yangi nasos stantsiyasining tender bahosi 833 million soʻmlik boʻlib, uning qurilish-montaj ishlarini "Amudaryo qurilish materiallari” MChJ quruvchilari amalga oshirmoqdalar.
Mazkur suv quvurlarining va nasos stantsiyasining qurilish-montaj ishlari mustaqilligimizning 22-yilligi bayrami arafasida bitkazilib, foydalanishga topshiriladi.
Aholiga toza ichimlik suvi yetkazib berishning ikkinchi navbati kelgusi 2014-yilda davom ettiriladi va "Choykoʻl” ovuli aholisining qolgan qismi, shuningdek "Toʻlqin” ovuli aholisi hamda "Qipchoq” ovuli aholisining bir qismi toza ichimlik suvi bilan taʼminlanadi. Uchinchi navbati 2015-yilda davom ettirilib, "Qipchoq” ovuli aholisining qolgan qismi va "Qangli” ovuli aholisi toza ichimlik suvi bilan taʼminlanadi.
Qobul ShOMURODOV.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
