SPORT MAKTABINING OChIQ BIRINChILIGI OʻTKAZILDI
14-yanvar – Vatan himoyachilari kuni munosabati bilan va "Sogʻlom ona va bola yili”ga bagʻishlab1-sonli bolalar va oʻsmirlar sport maktabida sportning stol tennisi boʻyicha sport maktabining ochiq birinchiligi oʻtkazildi.
Musobaqani sport maktabi direktori vazifasini bajaruvchi Baxtiyor Rajabov ochdi va ishtirokchilarga omad tiladi. Ochilish marosimida soʻz olgan trenerlar Hamida Rajabova, Guloyim Masharipova, Feruza Qobulova va Fozil Eshchonovlar yurtimizda sport, ayniqsa bolalar sportini rivojlantirishga katta eʼtibor qaratilayotgani natijasida sport bilan shugʻullanuvchi bolalar safi yil sayin kengayib borayotganini taʼkidladilar. Natijada sportchilarimiz nafaqat mamlakatimiz sharafini ishonchli himoya chilishmoqda, balki sportning ommaviyligiga ham erishilib, kelajagimiz egalarining sogʻlom va barkamol oʻsib-ulgʻayishlari uchun zamin yaratilmoqda.
Ayniqsa, bolalar ishtirokida turli sport musobaqalari oʻtkazilayotgani bu borada muhim vosita boʻlmoqda. Sport maktabi birinchiligi ham stol tennisi bilan shugʻullanayotgan yoshlarning kuchlarini sinovdan oʻtkazishlari va mahoratlarini yanada oshirishlari uchun vosita boʻldi.
Sport maktabining ochiq birinchiligida 60 nafardan ortiq yoshlar ishtirok qildilar. Ular 1-sonli bolalar va oʻsmirlar sport maktabining tarbiyalanuvchilari, tumanimizdagi 1-, 30-, 36-, 40- va 56-sonli maktablarda taʼlim olayotgan sportsevar yoshlardir.
Keskin va murosasiz bellashuvlarga boy boʻlgan musobaqa yakunlariga koʻra 2002-2002-yillarda tugʻilgan oʻsmirlar oʻrtasida Ilhom Qoʻziboyev faxrli birinchi oʻrinni, Ixtiyor Baxtiyorov ikkinchi, Doniyor Tluboyev va Asadbek Davletovlar uchinchi oʻrinlarni egalladi.
2003-2005-yillarda tugʻilgan oʻsmirlar oʻrtasida esa Shahzodbek Soliyev birinchi, Hakimjon Ismoilov ikkinchi, Ravshanbek Ollaberganov va Jamshid Jumaniyozovlar uchinchi oʻrinni egalladilar.
Qizlar oʻrtasidagi musobaqalarda birinchi oʻrinni Lochinoy Tozaboyeva, ikkinchi oʻrinni Xurshida Qoʻchqorova hamda uchinchi oʻrinni Madina Haytboyeva va Asal Shomurodovalar egalladilar.
Musobaqa gʻoliblari 1-sonli bolalar va oʻsmirlar sport maktabi tomonidan tayyorlangan faxriy yorliqlar va esdalik sovgʻalari bilan taqdirlandi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
