Alişer Navoiy tavalludi munosabati bilan 62-sonli maktabda tadbir ötkazildi

Har yili özbek adabiyoti va madaniyatining buyuk namoyandasi, uluğ şoir va mutafakkir Alişer Navoiy tavalludi yurtimiz böylab keng nişonlanadi. Maʼlumki, Navoiyning ilmga bölgan iştiyoqi erta uyğonadi, u 4 yoşida maktabda taʼlim ola boşlagan. 7 yoşida Farididdin Attorning "Mantiq ut-tayr" asarini yoddan bilgan. Şu bilan birga, 7-8 yoşlaridan boşlab ğazallar yoza boşlagan. Bu yil buyuk mutafakkir bobomizning tavalludiga 584-yil töldi.

Şu munosabat bilan tumanimizdagi 62-sonli maktabda “Buyuk zotga taʼzim” deb nomlangan badiiy keça ötkazildi. Maktabning boşlanğiç sinf öqituvçisi B.Arikova tomonidan taşkillaştirilgan tadbirni maktabning maʼnaviy-maʼrifiy işlar böyiça direktor örinbosari Z.Atayev oçib berdi. U öz sözida Alişer Navoiy ijodining ahamiyati va uning bugungi yoş avlod tarbiyasidagi örniga töxtalib ötdi. Tadbir davomida maktabning boşlanğiç sinf öquvçilari faol iştirok etişdi. Ayniqsa, 4-sinf öquvçilari öz çiqişlari bilan barçaga manzur böldi. Öquvçilar özlari yod olgan özbek adabiyotining bebaho durdonalari bölmiş Navoiy ğazallari, hikmatli sözlari va ruboiylarini aytib berişdi.

Darhaqiqat, öqituvçilarning va öquvçilarning bu kabi tadbirlarni ötkazişdagi taşabbuskorligi va faolligi Navoiy dahosiga ehtirom timsoli hamda şoirning adabiy merosining bardavomligini taʼminlaydi. Şu jihatdan, “Buyuk zotga taʼzim” nomli uşbu tadbir yoşlar qalbida Navoiyga bölgan hurmat va muhabbatni yanada mustahkamlagani bilan ahamiyatli böldi.

Alişer Navoiy nafaqat özbek adabiyotining, balki butun Şarq tsivilizatsiyasining uluğ siymolaridan biri sanaladi. Uning asarlari faqat bir davr yoki xalqqa emas, balki butun insoniyatga daxldor ekanligi bugungi kunda ham öz isbotini topmoqda. Ayniqsa, bobokalonimizning turli xalqlar örtasida tinçlik va döstlikni mustahkamlaş, başariyatning yoruğ kelajagini birgalikda qurişga çorlaydigan ğoya va qaraşlarining ahamiyati hozirgi tahlikali davrda tobora ortib bormoqda. Şuningdek, uning bebaho ijodiy merosi haqli ravişda jahon adabiyoti daholarining buyuk asarlari bilan bir qatorda turişi bizga çeksiz ğurur va iftixor bağişlaydi. Şu bois, bunday tadbirlarning taşkil etilişi nafaqat adabiy merosimizni tarğib qiliş, balki yoş avlodni ezgulikka, tafakkurga, vatanparvarlikka çorlaş yölida muhim ahamiyat kasb etadi.

Madina Jabborova, QDU 3-bosqiç talabasi, tahririyat amaliyotçisi.