2-сектор ҳудудидаги ёшлар билан учрашувлар ташкил этилди

Сўнгги йилларда мамлакатимизда эртангги кун эгаларининг ҳар томонлама етук ва баркамол инсон бўлиб вояга етишлари учун барча шароит ва имкониятлар яратилмоқда. Давлатимиз раҳбарининг “Ёшларнинг бандлигига кўмаклашиш ҳамда уларни доимий иш билан таъминлашга оид қўшимча чора-тадбирлар тўғрисида”ги Фармони ёшлар орасида ишсизликнинг камайиши, ёшлар бандлигини таъминлаш борасида муҳим дастуруламал бўлиб хизмат қилмоқда.

Жорий йилнинг 24 февраль куни Амударё тумани 2-сектор ҳудудидаги ёшлар билан учрашувлар ташкил этилди. Туман прокуратураси, Иқтисодий жиноятларга қарши курашиш департаменти туман бўлими, туман Мажбурий ижро бюроси, Ёшлар Ишлари Агентлиги туман бўлими масъулларидан иборат ишчи гуруҳ 2-сектор ҳудудидаги ёшлар билан учрашиб, ёшлар орасида жиноятчилик ва ҳуқубузарликларнинг олдини олиш, уларнинг бўш вақтларини мазмунли ўтказишларига кўмаклашиш, соғлом турмуш тарзини тарғиб этиш, ёшларнинг эрта турмуш қуришларининг олдини олиш, келажагимиз эгаларини турли ёт ғоялардан ҳимоя қилиш мақсадида тарғибот тадбирларини ўтказди.

Туман Маданият бўлими биносида, Қиличбой овули ҳудудидаги Маданият уйи биносида, Амир Темур номли овул ҳамда Боғ маҳалла фуқаролар йиғинлари маъмурий биноларида ўтказилган тадбирларда ёшлар билан мулоқот ташкил этилиб, уларнинг қизиқишлари ўрганилди.

Шу ўринда таъкидлаш жоизки, юртимизда келажак эгалари бўлган ёшларнинг мустақил ҳаётга қадам қўйишлари, ўз иқтидори ва салоҳиятини тўлиқ намоён этишлари учун барча зарур шароитлар яратилмоқда. Ёшларнинг баркамол авлод бўлиб вояга етишлари учун, ўз қизиқишлари, иқтидорларини намоён этишлари ҳамда ўзи севган касб эгаси бўлиб, халқимизга наъфи тегадиган комил исон бўлиб вояга етишлари учун имкониятлар янада кенгайтирилмоқда.

Тарғибот тадбирларида 2-сектор ҳудудидаги маҳаллаларда оталикка олинган 4та тоифадаги ёшлар билан бирма-бир суҳбат қилинди. Уларнинг бўш вақтини мазмунли ўтказишлари учун қизиқишларини ўрганиш мақсадида анкета сўровномалари олинди.

Масъуллар ёшлар билан якка тартибда ўтказган ўзаро суҳбатлар чоғида уларнинг яшаш шароитлари, оилавий аҳволи ва муаммолари билан яқиндан танишдилар. Аниқланган муаммоларга ечим топиш бўйича “Маҳалла еттилиги” билан ҳамкорликда тегишли чоралар кўрилиши белгилаб олинди.

Шунингдек, учрашувлар давомида ёшларнинг ҳуқуқий саводхонлигини ошириш бўйича тадбирлар ташкил этиш, банд бўлмаган ёшларни касб-ҳунарга ўқитиш, маҳаллаларда ҳарбий-ватанпарварлик, маданий-маърифий ва оммавий спорт тадбирлари ташкил қилиб, уларга ёшларни кенг жалб этиш бўйича таклифлар ҳамда тавсиялар ўрганилди ва уларни амалга ошириш бўйича чора-тадбирлар белгилаб олинди.

Тарғибот тадбрлари мобайнида масъуллар ҳудуддаги эҳтиёжманд оилалар ҳолидан ҳам хабар олдилар ва ижтимоий ҳимояга муҳтож оилаларга кундалик эҳтиёж учун озиқ-овқат маҳсулотларини бердилар. Ҳудудларда бу каби тарғибот тадбирлари давом эттирилмоқда.

Чарос Арслонова, туман ҳокимлигининг Ахборот хизмати раҳбари.