ЁШЛАР–ЮРТ КЕЛАЖАГИ УЧУН ОВОЗ БЕРАДИ
Мамлакатимизда ҳар бир фуқаронинг сайлов ҳуқуқини ҳимоя қилиш, ўз хоҳиш-иродасини эркин ифодалаши учун барча шарт-шароитлар яратилган.
Жорий йилнинг 21 декабрь куни Ўзбекистон Республикаси Олий Мажлиси Қонунчилик палатасига, халқ депутатлари вилоят, туман ва шаҳар Кенгашларига бўлиб ўтадиган сайлов муҳим сиёсий тадбир сифатида ёшларимиз ҳаётида ҳам ёрқин из қолдириши билан алоҳида аҳамият касб этади. Бу йил сайловда миллионлаб ўғил-қизларимиз илк маротаба қатнашиб, ўз конституциявий ҳуқуқини рўёбга чиқаради.
Бугунги кунда ёшлар давлатимизнинг ишончи ва таянчи сифатида юксак ғамхўрлик ҳамда эътибор тафтини ҳис этиб улғаймоқдалар.Таъкидлаш жоизки, Ўзбекистонда ёшларнинг ҳуқуқ ва қонуний манфаатларини ҳимоя қилиш бўйича изчил саъй-ҳаракатлар олиб борилмоқда, уларнинг таълим-тарбия олиши, ўз иқтидори ҳамда имкониятларини рўёбга чиқариши учун барча шарт-шароит яратилган.
Бинобарин, ёшларимизда Ватанимиз тақдирига, мамлакатимизда кечаётган демократик ўзгаришларга нисбатан дахлдорлик ҳисси тобора кучайиб бормоқда.
Бугун дунёнинг кўплаб мамлакатларида юртимиз ёшларига ҳавас билан қарашади. Бу бежиз эмас, албатта. Чунки ёшларимиз давлатимизнинг юксак эътибори ва ғамхўрлиги оғушидадир.
Ёшларимизнинг шижоати, ғайрати, интилишлари, эришаётган муваффақиятлари ана шу имкониятлардан тўла-тўкис фойдаланаётганликлари натижасидир.
Мустақил юрт фуқароси сифатида ёшларимиз муносиб номзоднинг депутат этиб сайланиши учун ўз муносабатларини билдиради, деб ишонамиз. Улар шу орқали юртимизнинг келгуси равнақига, халқимизнинг турмуш фаровонлиги янада юксалишига ҳисса қўшадилар. Янги сайланадиган депутатлар мамлакатимизнинг узоқ истиқболдаги тараққиётини белгилаб берадиган янги қонунлар устида ишлайдилар, уларнинг ижросини назорат қиладилар. Демак, сайловда муносиб номзодга овоз бериш ҳар бир ёш йигит-қизларимизнинг фуқаролик бурчидир.
Бугунги кунда юртимизда ёшларнинг ҳуқуқий маданиятини, фуқароларнинг ҳуқуқий онгини юксалтиришга жуда катта эътибор қаратилмоқда. Ишончим комилки. Ўзбекистон парламенти ва маҳаллий Кенгашларига юксак фуқаролик масъулиятига эга инсонлар сайланади.
Муқаддас Бекназарова,
78-участка сайлов комиссияси раиси ўринбосари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
