Халқ депутатлари Амударё туман Кенгашининг ўттиз биринчи сессияси тўғрисида АХБОРОТ

2017 йил 1 апрель куни Халқ депутатлари Амударё туман Кенгашининг ўттиз биринчи сессияси бўлиб ўтди. Сессияда туман Кенгаши депутатлари, тумандан сайланган Қорақалпоғистон Республикаси Жўқорғи Кенгеси депутатлари, туман ҳокими ўринбосарлари, ҳокимлик масъул ходимлари, бўлимлар раҳбарлари, туман Кенгашининг аҳолига тиббий хизмат кўрсатишни, дори воситалари таъминотини янада яхшилаш, ушбу соҳадаги қонунчиликни амалиётга самарали тадбиқ этишга кўмаклашиш, шунингдек бу соҳада назоратни самарали амалга ошириш бўйича комиссияси аъзолари, қишлоқ врачлик пунктлари ва дорихоналар мудирлари, жамоат ташкилотлари ҳамда оммавий ахборот воситалари вакиллари қатнашди.

Шунингдек, сессия мажлисида Ўзбекистон Республикаси Олий Мажлиси Қонунчилик палатаси депутати Жолдасбай Абдижамилов, Қорақалпоғистон Республикаси соғлиқни сақлаш вазирининг ўринбосари Даметкен Бекбоева иштирок этди.

Сессия котиблигига 23-Бобур сайлов округидан туман Кенгаши депутати Равшан Халмуратов сайланди.

Сессия кун тартибига "Қорақалпоғистон Республикаси Жўқорғи Кенгеси Раисининг 2017 йил 18 мартдаги 196-Б-сонли "А.Я.Юлдашевни Амударё тумани ҳокимининг ёшлар сиёсати, ижтимоий ривожлантириш ва маънавий-маърифий ишлари бўйича ўринбосари лавозимига тайинлаш тўғрисида”ги фармойиши ҳақида”ги ва "Туманда бирламчи тиббий-санитария ёрдами муассасаларининг фаолиятини такомиллаштириш ва янада яхшилаш чора-тадбирлари тўғрисида”ги масалалар киритилди.

Маълумки, Ўзбекистон Республикаси Президентининг 2016 йил 22 декабрдаги "Маҳаллий ижроия ҳокимияти органлари фаолиятини янада такомиллаштириш тўғрисида”ги қарори ижроси юзасидан Қорақалпоғистон Республикаси Вазирлар Кенгашининг 2017 йил 31 январдаги 36-сонли қарори қабул қилиниб, туман ҳокимлиги аппарати структурасига ўзгаришлар киритилиб, тасдиқланган эди.

Шу муносабат билан, Алишер Юлдашевни туман ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари лавозимига тайинлаш юзасидан Қорақалпоғистон Республикаси Жўқорғи Кенгеси Раисининг фармойиши қабул қилинган эди. Сессияда мазкур фармойиш депутатлар томонидан тасдиқланди.

Кун тартибидаги иккинчи масала муҳокамасида туман Кенгашининг аҳолига тиббий хизмат кўрсатишни, дори воситалари таъминотини янада яхшилаш, ушбу соҳадаги қонунчиликни амалиётга самарали тадбиқ этишга кўмаклашиш, шунингдек бу соҳада назоратни самарали амалга ошириш бўйича комиссияси раиси Ширин Янгибаева туманда бирламчи тиббий-санитария ёрдами муассасаларининг фаолиятини такомиллаштириш ва янада яхшилаш чора-тадбирлари тўғрисида  ахборот берди.

Ахборотда аҳолига тиббий хизмат кўрсатиш ва дори воситалари таъминотининг бугунги ҳолати бўйича, шунингдек, мазкур масалалардаги мавжуд муаммоларни ўрганиш ҳамда тиббий хизмат сифатини такомиллаштириш чора-тадбирларини кўриш мақсадида туманда ўрганишлар олиб борилгани қайд қилиниб, ўрганишлар натижасида аҳолига тиббий хизмат кўрсатиш соҳасида бир қанча ижобий ишлар амалга оширилганлигини ва баъзи камчиликлар мавжудлигини қайд этиб ўтилди.

Сессияда мазкур Комиссиянинг туман аҳолисига бирламчи тиббий-санитария ёрдами кўрсатувчи қишлоқ врачлик пунктлари тармоғини оптималлаштириш бўйича туман тиббиёт бирлашмаси томонидан тақдим қилинган таклиф асосидаги хулосаси баён этилди. Қишлоқ врачлик пунктлари сонини 19 тадан 12 тагача қисқартириш, шундан 8 та қишлоқ врачлик пунктлари негизида кундузги стационари мавжуд бўлган қишлоқ оилавий поликлиникаларини ташкил этиш, 4 та қишлоқ врачлик пунктини шу шаклда сақлаб қолиш, ташкил этиладиган қишлоқ оилавий поликлиникаларининг ҳудудларида аҳоли учун арзон ва сифатли дори воситалари ҳамда тиббий буюмлар сотувини йўлга қўядиган "Дори-дармон” акциядорлик жамияти тизимининг дорихоналарини жойлаштириш, 2 та қишлоқ поликлиникаси ва 1 та қишлоқ врачлик пункти негизида янгидан 3 та тез тиббий ёрдам шоҳобчалари ташкил этиш орқали қишлоқ жойлардаги тез тиббий ёрдам тармоғини кенгайтириш, фаолияти тугатилаётган 6 та қишлоқ врачлик пунктлари биноларини қишлоқ врачлик пункти ва поликлиника шифокорлари учун хизмат уй-жойи сифатида вақтинча фойдаланишга топшириш ҳамда қишлоқ врачлик пунктларининг юридик шахс мақомини тугатиб,  уларга молиявий-бухгалтерлик хизмати кўрсатишни туман тиббиёт бирлашмаси зиммасига юклаш таклифлари депутатлар эътиборига ҳавола қилинди.

Музокараларда туман тиббиёт бирлашмаси бошлиғининг ўринбосари Хидирбай Тажимов, туман Кенгашининг Қонунийлик, ҳуқуқ тартибот ва фуқаролар хавфсизлигини таъминлаш масалалари доимий комиссияси раиси Ғуломжан Ешниёзов, "Гулноз” хусусий дорихонаси раҳбари Кукланбай Куденов ҳамда Ўзбекистон Республикаси Олий Мажлиси Қонунчилик палатаси депутати Жолдасбай Абдижамиловлар сўзга чиқиб, кун тартибидаги масала бўйича ўз фикрларини баён қилди.

Кун тартибидаги масала юзасидан тайёрланган туман Кенгаши қарори лойиҳаси ўқиб эшиттирилди ва депутатлар томонидан бир овоздан тасдиқланди.

Шунинг билан сессия ўз ишини якунлади.

Туман ҳокимлигининг ахборот хизмати.