Barkamol avlodning sevimli manzili – kutubxonadan taassurotlar

Yaqindagina ijodiy guruhimiz bilan birgalikda “Taraqqiyot közgusi” gazetasi tahririyatining “Bilimli va maʼnaviyatli yoşlar bilan Uçinçi Renessans sari!” nomli grant loyihasi doirasida tuman “Barkamol avlod” bolalar maktabi tarbiyalanuvçilari hamrohligida Amudaryo tumani axborot-kutubxona markaziga taşrif buyurdik.

Bolalarning böş vaqtini mazmunli ötkaziş maqsadida amalga oşirilgan uşbu taşrif davlat granti loyihasining iş rejasida közda tutilgan. Tuman “Barkamol avlod” bolalar maktabining bir guruh bolajonlari kitoblar olamiga sayohati davomida axborot-kutubxona markaziga qanday aʼzo böliş, kitoblardan foydalaniş, öqiş tartibi böyiça qimmatli maʼlumotlarga ega bölişdi.

Aytiş joizki, Amudaryo tumani Axborot-kutubxona markazi tuman aholisi, ayniqsa, yoşlarining maʼnaviy yuksalişi yölida munosib xizmat qilib kelmoqda. Axborot-kutubxona markazi 2022-yil dekabr oyidan buyon Oybek nomli mahalla hududidagi yangi binoda faoliyat yurityapti.

Bugungi kunda Axborot-kutubxona markazida jami 17 ming 700 nafardan ziyod abonament röyxatga olingan. Şundan, 8 ming 850 nafardan ziyodini erkaklar, 8 ming 840 nafardan ziyodni esa ayollar taşkil qiladi. Kitobxonlarga 13 nafar xodim sifatli xizmat körsatyapti.

Sayohat davomida axborot-kutubxona markazi abonomentlar va foydalanuvçilarga xizmat körsatiş guruhi rahbari Nodira Örazimbetova va kutubxona mutaxassisi Munojat Safarbayevalar elektron kitoblar, yangi kelgan adabiyotlar töplami bilan öquvçilarni taniştirib ötdi.

Haqiqatan, kitobga mehr qöyib ulğaygan bola kelajakda kam bölmaydi. Bolaning qalbiga maʼrifat ziyosi esa bolalikdan turli xil ertaklar, dostonlar, hikoyalar orqali singadi. Natijada esa bolalikda ertak öqişni öziga sevimli maşğulot qilgan bola, kelajakda katta katta asarlarni, romanlarni mutolaa qilib, mustaqil fikrlaydigan, soğlom idrok yurita oladigan erkin fikrli şaxs bölib yetişadi. Kim biladi, balki kitobxon bolakay bir kuni kelib özi yozuvçi yoki şoir bölar. Özi asar yaratar. Sababi, mutolaa jarayonida inson özi bilmagan holda ijodiy qobiliyatini ham rivojlantirişi, könglidan keçgan tuyğularini qoğozga köçirişi mumkin.

Ota-onalar, ustozlar esa öquvçilarning, farzandining qölidan yetaklab kutubxonalarga olib borsa-ku, nur ustiga aʼlo nur. Bizning maqsadimiz ham, grant loyihasining maqsadi ham barkamol avlodni tarbiyalaşda kitoblarning, ilm olişning naqadar uluğ va keng tuşunçalar ekanini yoş avlodga singdirişdan iborat. Zero, zarraça foydamiz tegsa özimizni baxtiyor his etamiz.

Aziza Madrahimova