MAKTABGAChA TAʼLIM TAShKILOTLARIDA SOGʻLOM OVQATLANTIRIShNI TAShKIL ETISh BOʻYIChA SEMINAR-TRENING OʻTKAZILDI
Amudaryo tumanida Maktabgacha va maktab taʼlimi boʻlimi tomonidan MTTlarda faoliyat yuritayotgan hamshiralar va oshpazlar uchun sogʻlom ovqatlantirishni tashkil etish, oziq-ovqat mahsulotlari hamda taomlarning xavfsizligi va sifatini kafolatlash, tarbiyalanuvchilarning sogʻlom va barkamol oʻsishini taʼminlash, sifatli taomlar tayyorlash, gigiyenik talablarga amal qilish kabi masalalar yuzasidan seminar-trening tashkil etildi.
18-yanvar kuni boʻlim faollar zalida oʻtkazilgan mazkur seminar-treningni tuman Maktabgacha va maktab taʼlimi boʻlimi boshligʻi Ya.Shomurodov, Qoraqalpogʻiston Respublikasi Oshpazlar uyushmasi raisi G.Yuldashev, Oʻzbekiston Respublikasi Oshpazlar uyushmasi oʻqituvchisi N.Bekchanov, tuman Sanitariya-epidemiologik tinchlik va jamoat salomatligi boʻlimi, Sanitariya-gigiyena boʻlinmasi mudirasi N.Yeshimova, boʻlim laboratoriyasi mudiri R.Gulmanova hamda tumandagi MTTlar hamshiralari, oshpazlari qatnashishdi.
Seminar davomida Oʻzbekiston Respublikasi Maktabgacha va maktab taʼlimi vazirligi huzuridagi Maktabgacha taʼlim agentligi, Oʻzbekiston Respublikasi Sanitariya-epidemiologik osoyishtalik va jamoat salomatligi qoʻmitasining qarori asosida davlat maktabgacha taʼlim tashkilotlarida joriy etilgan yagona mavsumiy taomnomaning bahor mavsumi uchun moʻljallangan bahorgi taomnomani tuzish afzalligi toʻgʻrisidagi, davlat MTTlarida Oʻzbekiston Respublikasi Maktabgacha taʼlim tashkilotlarida tarbiyalanayotgan bolalarni xavfsiz va sifatli ovqatlantirishni tashkil etishga oid gigiyenik talablarga amal qilinishi jarayonlariga oid, MTTlarda tarbiyalanuvchilarning sogʻlom ovqatlanishini tashkil etish uchun yagona mavsumiy taomnomalarni amalda qoʻllash va bahorgi taomnomadagi taomlarni tayyorlash texnologiyasi qoidalari haqidagi masalalar koʻrib chiqildi.
Yigʻilishda ushbu masalalar yuzasidan maʼruzalar qilindi va keng tarzda muhokamalar boʻlib oʻtdi.
Tadbir davomida Oʻzbekiston Respublikasi Oshpazlar uyushmasi oʻqituvchisi N.Bekchanov tomonidan “Aqlvoy-oshpaz, bogʻchalar uchun taomlar retsepti” toʻplamidan foydalanilgan holda tuzilgan yagona namunaviy mavsumiy taomnomalar asosida bahorgi taomlarni tayyorlash, mahsulotlarga texnologik ishlov berish, tayyor taomlarni tayyorlash texnologiyalari koʻrsatib oʻtildi. Bundan tashqari, oshpazlar ishtirokida boʻlib oʻtgan mahorat darsida sanitariya-gigiyena qoidalari, taom tayyorlashda eʼtibor berilishi lozim boʻlgan meʼyorlar hamda mahsulot tayyorlashning yangicha usullari kabi masalalar yuzasidan tajriba almashildi.
Seminar-trening davomida Oshpazlar uyushmasi tomonidan malaka oshirgan oshpazlarga diplom va sertifikatlar topshirildi. Shuningdek, bir guruh xodimlar 8-mart – Xalqaro xotin-qizlar bayrami munosabati bilan MTTlarda sogʻlom ovqatlantirishni tashkil etishga qoʻshayotgan hissasi va samarali faoliyati uchun Maktabgacha va maktab taʼlimi boʻlimining faxriy yorliqlari bilan taqdirlandi.
S.Patullayeva, tuman Maktab va maktabgacha taʼlim boʻlimining metodisti.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
