“MEN ÖQIGAN BADIIY ASAR” VIDEOROLIKLAR TANLOVI ĞOLIBLARI ANIQLANDI
Yoşlar maʼnaviyatini yuksaltiriş, ular ongida Vatanga muhabbat, milliy va umuminsoniy qadriyatlarga sadoqat ruhini şakllantiriş maqsadida Amudaryo televideniyesi ijodiy jamoasi tomonidan Oliy Majlis huzuridagi NNTlar va fuqarolik jamiyatining boşqa institutlarini qöllab-quvvatlaş jamoat fondi tomonidan moliyalaştirilgan “Yuksak maʼnaviyatli va axloqli yoşlar – kelajak poydevori” loyihasi doirasida 2023-yilning yanvar-dekabr oylari davomida köplab maʼnaviy-maʼrifiy tadbirlar amalga oşirildi. Xususan, yoşlarning böş vaqtlarini mazmunli ötkaziş, ularni mafkura maydonining turli xurujlaridan himoya qiliş, maʼnaviy dunyosini boyitiş maqsadida yangi asarlar taqdimotlari, sayyor kutubxonalar, sayyor kitob karvonlari, kitobxonlik keçalari taşkil etilib, bu tadbirlarga Amudaryo tumanining eng çekka hududlaridagi qişloq yoşlari ham qamrab olindi.
“Jaholatga qarşi - maʼrifat” tamoyili asosida ijtimoiy-maʼnaviy muhitni soğlomlaştirişga qaratilgan davlat va jamoat taşkilotlari bilan hamkorlikda taşkil etilgan uçraşuv va davra suhbatlari, inşolar, videoroliklar tanlovlarining taşkil etilişi yoşlar va ösmir-yoşlar tomonidan katta qiziqiş bilan kutib olindi.
Joriy yilning dekabr oyida esa yoşlarni kitobxonlikka qiziqtiriş orqali ularni maʼnaviy barkamol insonlar qilib tarbiyalaşga, oilalarda maʼnaviy muhit barqarorligini taʼminlaşga hissa qöşiş maqsadida “Men öqigan badiiy asar” mavzusida videoroliklar tanlovi ötkazilgan edi. Mazkur tanlovda tumanimizning barça hududlarida taʼlim-tarbiya olayotgan kitobxon öquvçi-yoşlar faol iştirok etişdi. Ularning köpçiligi Özbekiston Qahramonlari Said Ahmad, Abdulla Oripov, Erkin Vohidov, Özbekiston xalq yozuvçisi Ötkir Hoşimov, Qoraqalpoq adabiyotining zabardast namoyondalari Tölepbergen Qaipbergenov, Ibroyim Yusupov, şuningdek, özbek mumtoz adabiyoti ustunlari Alişer Navoiy Abdulla Qodiriy, Çölpon, Fitrat kabi şoir va yozuvçilar asarlari böyiça videoroliklar tayyorlab jönatişgan.
Tanlov taşkiliy hayʼati aʼzolari tomonidan barça videoroliklar tasvir aniqligi, bayon etilgan fikrlar, kitobxonlarning dunyoqaraşi, qolaversa, tanlovga qöyilgan talablar asosida örganilib, eng yaxşi videoroliklar tanlab olindi.
Tanlov hayʼati aʼzolarining xulosasiga köra, 30-sonli maktabning 8-sinf öquvçisi Zilola Saʼdullayeva tayyorlagan videorolik 1-öringa munosib körildi. 2-örin uşbu maktabning 8-sinf öquvçisi Sarvara Farhodova hamda 11-sonli maktab filialining 7-sinf öquvçisi Mahfuza Maratovalarga nasib etdi. 30-sonli maktabning 11-sinf öquvçilari Dildora Jumamurodova va Rohatoy Bozorboyevalar tayyorlagan videoroliklar esa 3-öringa loyiq körildi.
Videoroliklarni tanlab olişda muallifning öz döstlari orasida kitobxonlikni tarğib etişdagi şaxsiy fikrlari, özi öqigan badiiy asarlardan olgan taassurotlari, hayotiy xulosalari va kitob mutolaasi tufayli dunyoqaraşining ijobiy tomonga özgargani xususidagi mulohazalariga ustunlik berildi.
Joriy yilning 26-dekabr sanasida tanlov ğoliblari Amudaryo televideniyesi tahririyati tomonidan rağbatlantirildi.
Robiya YÖLDOŞEVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
