Byudjetdan tashqari Pensiya jamgʻarmasi masʼullarining sayyor qabuli boʻlib oʻtdi
Aholining muammolarini oʻrganish, aniqlash va ularni bartaraf etishda joylarda tashkil etiladigan sayyor qabullar alohida ahamiyat kasb etadi. Respublikamiz hududlarida ushbu yoʻnalishda alohida tizim yaratilgani eng dolzarb boʻlgan muammolarning yechilishida muhim omil boʻlayotir.
2023-yil 18-oktyabr kuni Amudaryo tumanining Boyovul mahallasida hududidagi 9-sonli Bolalar musiqa va sanʼat maktabi binosida byudjetdan tashqari Pensiya jamgʻarmasi ijro etuvchi direktorining birinchi oʻrinbosari Zohidxoʻja Tursunov tomonidan fuqarolar uchun sayyor qabul oʻtkazildi. Unda tuman hokimining oʻrinbosari – investitsiyalar va tashqi savdo boʻlimi boshligʻi Faxriddin Yusupov, boshqarma boshligʻi Azamat Ubaydullayevlar ishtirok etishdilar.
Sayyor qabulda qayd etilganidek, mamlakatimizda inson manfaatlari oliy qadriyat darajasiga koʻtarilgan. Bugun barcha davlat idoralari faoliyatida aholining murojaatlari bilan ishlash boʻyicha sifat jihatidan mutlaqo yangi tizim asosida ish olib borilmoqda. Joylarda oʻtayotgan sayyor qabullar xalqning dardini eshitish, ularning muammolarini hal etishda, shak-shubhasiz, kutilgan natijalarni bermoqda. Zero, davlatimiz rahbari taʼkidlaganidek, xalq davlat organlariga emas, balki davlat organlari xalqimizga xizmat qilishi kerak.
Taʼkidlash joizki, xalq bilan faol va ochiq muloqot olib borish yoʻlida tashkil qilinayotgan bunday sayyor qabullar avvalo insonning huquq hamda manfaatlarini taʼminlash, qolaversa, xalqimizning farovon, baxtli hayot kechirishi uchun sharoit yaratish sari qoʻyilgan muhim qadam boʻlmoqda.
Byudjetdan tashqari Pensiya jamgʻarmasi maʼmuriyati tomonidan Respublikamiz boʻylab oʻtkazilayotgan sayyor qabullar jarayonida aholining muammolari oʻrganilib, koʻplab ijobiy natijalarga erishilmoqda.
Bu galgi sayyor qabuldan koʻzlangan maqsad ham tumanda yashovchi fuqarolarning sohaga doir muammolarini oʻrganish, ijobiy hal etilishiga koʻmaklashish, taklif hamda tavsiyalarini tinglashdan iborat boʻldi.
Byudjetdan tashqari Pensiya jamgʻarmasi tuman boʻlimi tomonidan tashkil etilgan mazkur sayyor qabulda ovul va mahallalardan tashrif buyurgan fuqarolar, ayniqsa, nafaqa yoshidagi otaxon va onaxonlar ishtirok etdilar. Oʻtkazilgan mazkur tadbirda fuqarolar oʻz muammolari xususida masʼullarga murojaat etdilar.
Qabul davomida masʼullarga fuqarolar tomonidan 15ta murojaatlar kelib tushdi. Byudjetdan tashqari Pensiya jamgʻarmasi ijro etuvchi direktorining birinchi oʻrinbosari Zohidxoʻja Tursunov va boshqa mutasaddilar tomonidan aholida kelib tushayotgan murojaatlar tinglanib, fuqarolar bilan tushuntirish ishlari olib borildi. Shuningdek qonunchilikdagi oʻzgarishlar, yangiliklar hamda yaratilib berilayotgan imtiyozlar, qulayliklar toʻgʻrisida yigʻilganlarga batafsil tushunchalar berildi.
Jamgʻarmaning Qoraqalpogʻiston Respublikasi boshqarmasi boshligʻi Azamat Ubaydullayev har bir murojaatchi bilan ochiq muloqotda boʻlib, murojaatlarda bayon etilgan muammolarni bartaraf etish choralari toʻgʻrisida batafsil aytib oʻtdi.
Joylarda tashkil qilinayotgan bu kabi sayyor qabullar natijasida hukumat idoralari va xalq oʻrtasidagi koʻrinmas devor olib tashlanib, yordamga muhtoj fuqarolar oʻz muammolarini mutasaddi tashkilot rahbarlariga toʻsiqsiz yetkazishmoqda. Bu orqali esa koʻplab muammolar joyida hal qilinib, xalq va davlat yagona bir maqsad – Vatan taraqqiyoti yoʻlida hamjihatlikda harakat qilayotir.
Tuman hokimligi Axborot xizmati
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
