TEZ TIBBIY YoRDAM BEMORLARGA NAJOT BAGʻIShLAYDI

Mamlakatimiz aholisiga tez tibbiy yordam koʻrsatish sifatini oshirish vayaqinlashtirish maqsadida “Aholiga tez tibbiy yordam koʻrsatish tizimini takomillashtirish toʻgʻrisida”gi 2022-yil 16-iyunda qabul qilingan Prezident Qarori sohada tub oʻzgarishlar yasalishiga zamin boʻldi.

Qarorga muvofiq Respublika tez tibbiy yordam markazi va uning 14 ta hududiy tez tibbiy yordam xizmati hamda tibbiy avtoxoʻjaliklar negizida qayta tashkil qilindi va tez tibbiy yordamning yagona vertikal tizimi yoʻlga qoʻyildi. Tibbiy brigada bemorning ahvoli va kasallik turiga qarab, hududidan qatʼiy nazar, unga eng yaqin masofadan yuboriladi. Markaziy shifoxonalarda esa kun-u tun ishlaydigan shoshilinch qabul boʻlimlari tashkil etildi.

Mazkur qarorga muvofiq tashkil etilgan Respublika tez tibbiy yordam markazi Qoraqalpogʻiston filialiga qarashli Amudaryo boʻlimi tuman Tibbiyot birlashmasining yuqumli kasalliklar boʻlimi binosining birinchi qavatida joylashgan. Boʻlimda shifokorlarning feldsherlar, haydovchilarning boʻsh vaqtlarida dam olishlari uchun xonalar, boʻlim mudiri, xoʻjalik bekasi xonalari, narkotik va dorilarni saqlash xonalari mavjud.

Boʻlim tarkibida 1 ta markaziy podstantsiya va 11 ta shohobcha mavjud boʻlib, ularda jami 15 brigada – 11 ta umumtarmoq 1 ta reanimatsion, 3 ta feldsherlik brigalalari faoliyat yuritadi.

Boʻlimdagi barcha avtomashinalarga GRS oʻrnatilgan boʻlib, harakatlanishi dispetcher oldidagi monitor orqali onlayn kuzatib boriladi.

Boʻlimda faoliyat yurituvchi xodimlar jami 302 nafarni tashkil etadi. Shu jumladan 38 nafari asosiy, 22 nafari oʻrindosh shifokorlar, 161 nafari asosiy 1 nafari oʻrindosh oʻrta tibbiyt xodimlardir.

Ular tumanimiz aholisi tez tibbiy yordamga muhtoj boʻlib qolganda chaqiruvlarga zudlik bilan yetib borishga va tez tibbiy yordam koʻrsatishga oshiqadilar.

Joriy yilning oʻtgan olti oyi mobaynida boʻlimga jami 25952 ta chaqiruvlar boʻldi. Ularning 25527 tasi bajarilgan. 25776 nafar bemorga tez tibbiy yordam koʻrsatildi. Jami chaqiriqlarning 489 tasi baxtsiz hodisalar, 12399 tasi shoshilinch chaqiriqlar, 4890 tasi shoshilinch boʻlmagan 969 tasi tugʻruq va homiladorlar patalogiyasi boʻyicha, chaqiriqlar 29 tasi esa shifoxonadan shifoxonaga tashishlardir. Tez tibbiy yordamga muhtoj boʻlib murojaat qilganlardan 4323 nafar bemor shifoxonaga yotqizildi, 962 nafar bemorga esa ambulator yordam koʻrsatilgan.

Chaqiriqlar davomida tez tibbiy yordamga muhtoj boʻlib qolgan bemorlarga aniq tashxis qoʻyish uchun boʻlimimizda 13 ta EKG apparati mavjud va barchasi ishchi holatida. Shuningdek, 1 ta OʻSV, 1 ta defibrilyator, 1 ta elektr soʻrgʻich, 4 ta mashinada kislorod baloni, 15 ta spinal shit, 25 ta ambuqopi, 15 ta qoʻl va oyoq immobilizatsiyasi uchun koʻp pogʻonali transport shinalari, 25 ta boʻyin fiksatorlari, 14 ta roʻmolsifat immobilizatsion oʻram, 1 ta laringoskop, 24 ta tilushlagichlar mavjud. Shuningdek, barcha brigadalar 1 tadan pulsoksimetr, nevrologik bolgʻacha, diagnostik lampa bilan taʼminlangan. Bemorlarga oʻz vaqtida sifatli tez tibbiy yordam koʻrsatish uchun 41 nomdagi dori preparatlari mavjud.

Keyingi yillarda aholi orasida tez tibbiy yordamga ehtiyoj kuchayayotganini eʼtiborga olib, yaqin kunlarda markaziy stantsiyada yangidan tez tibbiy yordam brigadasi tashkil qilish rejalashtirilmoqda.

Buningdek chora-tadbirlar tumanimiz aholisining sogʻligʻini muhofaza qilishga, zarurat tugʻilganda dard iskanjasida qolgan odamga tezkor tibbiy yordam berishga qaratilgani bilan ahamiyatlidir.

Konstantin Shabayev, Respublika tez tibbiy yordam markazi Amudaryo boʻlimi mudiri.