Bepul kardioskrining: mobil angiograf yordamida murakkab diagnostika amaliyotlari ötkazilmoqda
Yurak-qon tomir kasalliklari butun dunyoda eng köp uçraydigan va inson hayotiga jiddiy xavf tuğdiradigan xastaliklar sirasiga kiradi. Şu bois, kasallikni davolagandan köra, uning oldini olgan maʼqul, degan tamoyil asosida yurtimizda keng kölamli profilaktika işlari olib borilmoqda. Inson qadrini uluğlaş va uning soğliğini asraş maqsadida tibbiyot sohasida amalga oşirilayotgan izçil islohotlar bugun özining amaliy natijalarini bermoqda. Ana şunday xayrli va muhim tadbirlardan biri Amudaryo tumanida taşkil etildi.
Poytaxtdan, xususan, Milliy tibbiyot markazidan kelgan yuqori malakali bir guruh mutaxassislar Amudaryo tumani tibbiyot birlaşmasida bölib, zamonaviy va maxsus uskunalar yordamida mahalliy aholini çuqurlaştirilgan tibbiy körikdan ötkazdilar. Uşbu tibbiy körikning asosiy yönalişi xalq orasida kardioskrining deb ataluvçi öta muhim jarayon, yaʼni koronarografiya amaliyotini bajarişga qaratildi. Mutaxassislar tomonidan olib kelingan maxsus mobil angiograf apparati yordamida yurakning koronar tomirlarini aniq va tezkor tekşiriş imkoniyati yaratildi.
Tibbiyotda uşbu amaliyot infarktgaça bölgan holatlarni erta aniqlaş va ölimga olib keluvçi oğir yurak xurujlarining oldini olişda eng samarali usul sifatida baholanadi. Milliy tibbiyot markazi şifokorlarining çekka hududlarga taşrifi esa bunday murakkab tekşiruvlarni markazga bormasdan, bemorlarning bevosita yaşaş joyida amalga oşiriş imkonini bermoqda.
Mutaxassislarning taʼkidlaşiça, koronografiya bu yurakni oziqlantiruvçi qon tomirlarining holatini maxsus kontrast modda va rentgen apparati yordamida tekşirişning eng işonçli usuli hisoblanadi. Jarayon davomida malakali şifokor bemorning qöl arteriyasi orqali ingiçka kateter kiritadi va yurak tomirlariga kontrast modda yuboriladi. Natijada rentgen monitori orqali tomirlarning içki holati, ulardagi tiqiliş yoki torayiş darajasi juda aniq körinadi. Odatda 15 yoki 30 daqiqa davom etadigan bu tekşiruv kökrak qafasida oğriq yoki siqiliş his qilgan, jismoniy harakat vaqtida hansiraşdan aziyat çekadigan, şuningdek, yurak infarkti gumon qilingan bemorlar uçun öta zarur amaliyot sanaladi. Uşbu aniq taşxislaş usuli şifokorlarga keyingi davolaş taktikasini töğri tanlaşga, zarur hollarda esa tomirlarga stent qöyiş orqali bemor hayotini saqlab qolişga yaqindan yordam beradi.
Eng quvonarlisi şundaki, mazkur çuqurlaştirilgan tibbiy körik va murakkab diagnostika amaliyotlari aholining ijtimoiy himoyaga muhtoj qatlamlari uçun mutlaqo bepul amalga oşirilmoqda. Jarayonda birinçi navbatda barça nafaqadagi fuqarolar, 1- va 2-guruh nogironligi bor şaxslar, şuningdek, ijtimoiy reyestrda kambağal oila sifatida röyxatga olingan yurtdoşlarimiz qamrab olindi. Ulardan taşqari, Afğon uruşi hamda Çernobil halokati qatnaşçilari ham uşbu bepul kardioskrining dasturiga kiritilgan bölib, zarurat tuğilganda ularga tibbiy suğurta doirasida bepul stent qöyiş amaliyoti ham bajarilişi közda tutilgan. Bunday eʼtibor va ğamxörlik aholining davlatga va ertangi kunga bölgan işonçini yanada mustahkamlaşga xizmat qilişi şubhasizdir.
Inson salomatligi bebaho boylikdir. Öz vaqtida ötkazilgan töğri va aniq tekşiruvlar köplab oğir asoratlarning oldini olişga, eng muhimi, inson hayotini asrab qolişga xizmat qiladi. Amudaryo tumanida taşkil etilgan bu galgi tibbiy aktsiya ham yurtdoşlarimizni öz soğliğiga eʼtiborli bölişga çaqirib, davlatimiz tomonidan xalq salomatligi yölida yaratilayotgan ulkan imkoniyatlarning yana bir amaliy ifodasi böldi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
