USTOZIM IShONChINI ALBATTA OQLAYMAN
Sportning badiiy gimnastika turiga boʻlgan qiziqishim 5-sinfdaligimdan boshlangan. Shu qiziqishim 2009-yil ilk bora tumandagi Sport maktabiga yetakladi. Badiiy gimnastika zalida meni yaxshi kayfiyat bilan trener Maʼmura Matyoqubova kutib oldi. Ilk kundanoq mashgʻulotlarga qiziqib ketdim. Mashgʻulot jarayonidagi qiyinchiliklarni sabr-toqat bilan yengib, bardoshli va chidamli boʻlishni oʻrgandim.
Mahoratim, oʻzimga boʻlgan ishonchim orta boshlaganidan keyin musobaqalarga ham qatnashdim. Dastlab Nukus shahrida boʻlib oʻtgan “Umid nihollari – 2014” sport musobaqasida faxrli 3-oʻrinni olishga, soʻngra yana koʻplab musobaqalarda gʻoliblikka erishishga sazovor boʻldim. 2021-yilda esa Oʻzbekiston Davlat jismoniy tarbiya va sport universiteti Nukus filialining badiiy gimnastika yoʻnalishiga oʻqishga qabul qilindim.
Oʻqishga kirganimdan keyin badiiy gimnastika sirlarini yanada mukammalroq oʻrgana boshladim. Kelajakdagi orzularimdan biri – Mangʻit shahrida badiiy gimnastikani rivojlantirishga ustozim kabi oʻz hissamni qoʻshishdir. Murabbiyimning: “Sen hali hammasini uddalaysan, har sohada qiyinchilik bor, sen kuchli qizsan, senga ishonaman”, deganlari hamon qulogʻimda jaranglaydi. Men ustozimning ishonchini oqlashga harakat qilaman va shunga intilaman.
Zebogul Haydarova, OʻzDJTSU Nukus filiali 2-bosqich talabasi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
