BAFRI OBOD OILANING SAODATLI BEKASI

Inson uçun hayotini özi öylaganiday tartibga soliş oson emas. Buning uçun odamda sabr-toqat, mehnatsevarlik, intiluvçanlik  fazilatlari uygun bölmoği joiz. Qipçoq qişloğida, ziyoli oilada tuğilib-ösgan Dilbarxon aynan ana şunday fazilatlarni öz feʼllarida mujassam etgan Kamol ota bilan Oyşa onaning biri-biridan aqlli, öqimişli 6 nafar farzandining biri sifatida sabri gözal, mehnatkaş, ilmga intiluvçan, oqila qiz bölib voyaga  yetdi.  

Dilbarxon şifokorlik kasbiga bölgan mehri balandligidanmi,  umumtaʼlim maktabi dasturidagi kimyo-biologiya fanlarini qunt bilan örganişga kirişdi. Ayniqsa, kimyo fanining nozik sirlaridan voqif böliş borasidagi intilişlari bois, maktabdagi va hayotdagi ustozi, onasi Oyşa opaning har bir maşğulotini sabr-toqat bilan özlaştirişga intildi. Intilişlari zoye ketmadi. 1995-yilda Toşkent Tibbiyot Pediatriya institutining Nukus filialiga, pediatriya yönalişi böyiça öqişga kirdi. U yetti yil davomida özi tanlagan yönalişi böyiça mukammal bilim oldi. Institutni muvaffaqiyatli tamomlagan Dilbarxon Allamberganova ilk mehnat faoliyatini 2002-yilda Amudaryo tumani Tibbiyot birlaşmasiga qaraşli Qipçoq şifokorlik punktida bolalar şifokori lavozimida işlaşdan boşladi.

Şifokor uçun muolaja çoralarini belgilaşda bemorning ruhiy holatini aniqlaş öta muhim ahamiyatga ega. Bemor katta yoşdagi inson bölsa, bu borada şifokorga öz holati haqida maʼlum maʼnoda kömakçi bölişi mumkin. Lekin bolalar şifokori uçun öz bemorining ruhiyatiga kirib boriş, töğri taşxis qöyiş ançayin maşaqqatli bölib, şifokordan kuçli bilim va sinçkovlikni talab etadi. U 2003-2015-yillarda Amudaryo tumani Tibbiyot birlaşmasi qoşidagi köp tarmoqli Markaziy Poliklinikada, Manğit şahrining 11-hududiy bolalar şifokori lavozimida işlaş jarayonida ustozlari, Alloh rahmat qilsin, Xudoyor Şomurodov, Mohimjon Rajabova, ayni paytdagi Tibbiyot birlaşmasining boş pediatr-şifokori Gulşod Yusupovalarning kasbiy mahorati, tajribalarini puxta örganiş asnosida har bir bemor bolaning rangi, ovozi, hatti-harakatlari orqali ruhiy holatiga baho berişni va taşxislaşni  örgandi. Ustozlari bilan hamkorlikda işlab, “qöli yengil bolalar şifokori” sifatida tanildi. Özi xizmat körsatadigan Manğit şahrining 11-sonli hududi aholisi esa “özimizning Dilbarxon”, “özimizning döxtir opa”, deb mehr körsatadigan bölişdi.

Şifokor uçun xalq mehrini qozonişdan köra uluğroq baxt bölmasa kerak. Dilbarxon özining fidoyiligi, goh qahraton qişlarda, goh jazirama yoz, kuz-u bahorning izğirinli, yomğirli kunlarida öziga birkitilgan mahalla köçalarida uyma-uy kirib, yoş bolalar, endi tuğilgan murğak çaqaloqlar soğligini nazorat qilişdan, yoş onalar bilan uçraşib, bola parvarişi böyiça zarur tuşunça va tavsiyalar berişdan aslo çarçamadi. Har bir işga qatʼiyat va işonç bilan kirişadigan, sabr-toqat bilan bemorlari holatini doimiy kuzatib, to ular soğayib ketguniça tinib-tinçimaydigan Dilbarxon özi mehnat qiladigan jamoa orasida ham hurmat, eʼtibor qozondi. 2015  yilning 1-yanvaridan unga Amudaryo tuman Tibbiyot birlaşmasi rahbariyati katta işonç bildirib Boş immunolog lavozimiga tayinlaşdi.

Azaldan zimmasidagi masʼuliyatni çuqur his qilib yaşaşga odatlangan Dilbarxon Allamberganova Amudaryo tumani Boş immunologi sifatida barça yoş toifasidagi bemorlar, qolaversa, xalqimizning immun tizimini mustahkamlaş, jamiyatda soğlom turmuş tarzini qaror toptirişga qaratilgan tibbiy-maʼrifiy tadbirlarga boş-qoş.

Doimiy öqib-örganiş orqali tibbiyot sohasiga oid zamonaviy bilim va tajribalarni öz faoliyatiga dadillik bilan tatbiq etgan D.Allamberganova 2019-yilda oliy toifali şifokor darajasiga erişdi.

Oddiy, öta kamtar, özi aytganiday, har qanday vaziyatda ham sabr-toqat va qatʼiyat bilan iş yuritadigan Dilbarxon oilada sadoqatli va saodatli rafiqa, mehribon va talabçan ona, sarişta uy bekasi. Uning baxt-u saodati şundaki, Dilbarxon Amudaryo tumanining maʼnaviy  jihatdan boy-badavlat xonadonlaridan biri – taniqli pedagog Jumamurod Çorşamovlar oilasiga kelin bölgan. Umr yöldoşi Mansur Çorşamov bilan birgalikda qurgan oila qörğoni havasga munosib. Bir öğil, bir qizni mehr köşkida ulğaytirayotgan Dilbarxon bilan Mansur Çorşamovlar tarbiyasini olgan farzandlari ham ilmga intiluvçan. Qizlari Dinoraxon NDPIning xorijiy filologiya fakulteti talabasi, Ötkirjon esa 64-sonli maktabning eng aʼloçi bitiruvçi sinf öquvçisi.

Turli bayramlar sanalarida Dilbarxonning oilasi bağri biri-biridan izzatli mehmonlar qadamidan yaşnab ketadi. Qaynotasi, Amudaryo tarixiy ölkaşunoslik muzeyi taşkilotçisi va rahbari Şavkat Çorşamov, faxriy ustoz Zevar Allamberganova, mehribon onasi, aziz ustozi Oyşa Ismoilova,... (bu röyxat juda uzun). Ular Çorşamovlarning nevara kelini Dilbarxon Allamberganova yasatgan fayzli dasturxon atrofida jam bölişadi. Örtada mehr hokim, sabr gözal, qadr-qimmat uluğ, oila bağri hamişa obod. Bağri obod oilalar sohib va sohibalari esa hamişa baxtli-saodatlidirlar. Dilbarxon ana şunday baxt-u saodatga muşarraf ayol.

Robiya YÖLDOŞEVA.