QOʻLI YeNGIL ShIFOKOR
Bemorlar dardini ham shirin soʻzi, ham muolajasi bilan davolab, shifo ulashib, el mehrini qozongan shifokorlar koʻp. Uzoq yillardan beri kasallarga dardkash boʻlib, ularning sogʻligʻini tiklash uchun jon kuydirib kelayotgan ana shunday shifokorlardan biri – Aminboy Oʻrozimbetovdir.
Tish kasalliklari shifokori boʻlgan bu inson qoʻli yengil shifokor, xushmuomala, oʻz kasbining bilimdoni sifatida elimizda tanilgan. U oʻzining oʻtgan davrdagi mehnat faoliyati davomida qanchadan-qancha bemorlarga dardkash boʻlib, ularning dardiga davo topib, sogʻligʻini tiklab, hurmat-eʼtiborini qozonib kelmoqda.
A.Oʻrozimbetov 1970-yilda Qilichboy ovulida tugʻilgan. Ulgʻayganidan soʻng, onasi kabi tibbiyot xodimi boʻlishga qiziqib, Toshkent Davlat Tibbiyot institutida tahsil oldi va 1997-yilda xirurg-stomatolog mutaxassisligiga ega boʻldi. 1998-yilgacha Nukus shahridagi Respublika bolalar stomatologiya poliklinikasida internatura muddatini oʻtadi. Shu yili TTB KTMPda stomatolog-shifokor boʻlib ish boshladi. Aminboy Oʻrozimbetov hozirga qadar xalqimiz salomatligini mustahkamlashdek ezgu maqsad yoʻlida sidqidildan mehnat qilmoqda.
Qoʻli yengil bu shifokor oʻz kasbining ustasi sifatida elimiz hurmat-eʼtiboriga sazovor boʻldi. Zero, xalq hurmati, xalq eʼtirofidan kattaroq mukofot yoʻqdir. Xalqqa beminnat xizmat qilgan inson aslo kam boʻlmaydi.
Biz ham el suygan fidoyi shifokor Aminboy Oʻrozimbetovni kasb bayrami bilan tabriklaymiz va ulkan zafarlar tilab qolamiz.
Ozoda Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
