ҚЎЛИ ЕНГИЛ ШИФОКОР
Беморлар дардини ҳам ширин сўзи, ҳам муолажаси билан даволаб, шифо улашиб, эл меҳрини қозонган шифокорлар кўп. Узоқ йиллардан бери касалларга дардкаш бўлиб, уларнинг соғлиғини тиклаш учун жон куйдириб келаётган ана шундай шифокорлардан бири – Аминбой Ўрозимбетовдир.
Тиш касалликлари шифокори бўлган бу инсон қўли енгил шифокор, хушмуомала, ўз касбининг билимдони сифатида элимизда танилган. У ўзининг ўтган даврдаги меҳнат фаолияти давомида қанчадан-қанча беморларга дардкаш бўлиб, уларнинг дардига даво топиб, соғлиғини тиклаб, ҳурмат-эътиборини қозониб келмоқда.
А.Ўрозимбетов 1970 йилда Қиличбой овулида туғилган. Улғайганидан сўнг, онаси каби тиббиёт ходими бўлишга қизиқиб, Тошкент Давлат Тиббиёт институтида таҳсил олди ва 1997 йилда хирург-стоматолог мутахассислигига эга бўлди. 1998 йилгача Нукус шаҳридаги Республика болалар стоматология поликлиникасида интернатура муддатини ўтади. Шу йили ТТБ КТМПда стоматолог-шифокор бўлиб иш бошлади. Аминбой Ўрозимбетов ҳозирга қадар халқимиз саломатлигини мустаҳкамлашдек эзгу мақсад йўлида сидқидилдан меҳнат қилмоқда.
Қўли енгил бу шифокор ўз касбининг устаси сифатида элимиз ҳурмат-эътиборига сазовор бўлди. Зеро, халқ ҳурмати, халқ эътирофидан каттароқ мукофот йўқдир. Халққа беминнат хизмат қилган инсон асло кам бўлмайди.
Биз ҳам эл суйган фидойи шифокор Аминбой Ўрозимбетовни касб байрами билан табриклаймиз ва улкан зафарлар тилаб қоламиз.
Озода Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
