“YILNING ENG YaXShI TARBIYaChISI – 2022” KASBIY KOʻRIK-TANLOVINING TUMAN BOSQIChI GʻOLIBLARI ANIQLANDI
Tumanda Maktabgacha taʼlim boʻlimi tomonidan Qoraqalpogʻiston Respublikasi Maktabgacha taʼlim vazirligining 2022-yil 5-sentyabr kungi tegishli buyrugʻiga koʻra “Yilning eng yaxshi tarbiyachisi – 2022” kasbiy koʻrik-tanlovining tuman bosqichi oʻtkazildi.
Shu yil 20-sentyabr kuni boʻlib oʻtgan tanlovda tumandagi MTTlarning tarbiyachilari uch shart boʻyicha bellashishdi. Tanlovning birinchi shartiga koʻra ishtirokchilar pedagogik faoliyati boʻyicha DMTTning veb-saytidagi sahifasida “Ilk qadam” maktabgacha taʼlim davlat dasturini amalga oshiruvchi metodik yoki boshqa mualliflik ishlari, pedagogik tajribasini aks ettiruvchi foto va video lavhalar hamda materiallar qamrab olingan “Elektron-portfolio”sini taqdim etishdi. Ikkinchi shartga koʻra ishtirokchilar MTTdagi pedagogik faoliyati, shaxsiy yutuqlari va oʻtkazayotgan mashgʻulotlarining tasviri asosida tayyorlagan videoroliklarini topshirishdi.
Tanlov davomida ishtirokchilarining oʻquv-uslubiy, maʼnaviy-maʼrifiy ishlarini aks ettiruvchi materiallari va ijodiy ishlari, faxriy yorliqlari hamda diplomlari ham eʼtiborga olindi.
Tanlov yakunida 5-sonli MTT tarbiyachisi Feruza Rizayeva “Eng yaxshi metodist tarbiyachi” nominatsiyasi boʻyicha, 23-sonli MTT tarbiyachisi Zarafshon Jollibayeva “Eng yaxshi kreativ tarbiyachi” nominatsiyasi boʻyicha, 27-sonli MTT tarbiyachisi Dilrabo Bozorboyeva “Innovatsion va axborot texnologiyalarini qoʻllaydigan eng yaxshi tarbiyachi” nominatsiyasi boʻyicha, 4-sonli MTT tarbiyachisi Dilfuza Rajabova “Eng yaxshi loyiha muallifi” nominatsiyasi boʻyicha, 2-sonli MTT tarbiyachisi Nargiza Quvvatova “Mohir qoʻl ustasi” nominatsiyasi boʻyicha tanlovda gʻolib deb topildilar. Gʻoliblarga tanlovning respublika bosqichiga yoʻllanma berildi.
Sohiba Bozorboyeva, tuman Maktabgacha taʼlim boʻlimi
Taʼlim-tarbiya sifatini taʼminlash va metodik xizmatni tashkil etish shoʻʼbasi metodisti.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
