TAMAKI ChEKISh VA ZARARLI ODATLARGA QARShI KURAShISh MAVZUSIGA BAGʻIShLANGAN TADBIR BOʻLIB OʻTDI
Mamlakatimizda amalga oshirilayotgan islohotlar zamirida barkamol avlodni tarbiyalashdek masʼuliyatli vazifa turibdi. Shu bois, hozirgi kunda yoshlarimizning bilim olishlari, tajriba orttirishi, oʻz qobiliyatlarini yuzaga chiqarishlari uchun barcha sharoitlar yaratilgan. Ayniqsa, ularning sogʻligini ishonchli muhofaza qilish, jamiyat hayotiga, taraqqiyotiga oʻz hissasini qoʻsha oladigan yetuk mutaxassis, komil inson boʻlib shakllanishlarini taʼminlashga alohida eʼtibor qaratilmoqda.
Shuni alohida taʼkidlash kerakki, yuksak maʼnaviyatli va madaniyatli boʻlib voyaga yetgan yoshlar oʻz salomatligiga masʼuliyat bilan yondashadi, uni asrash va mustahkamlash qoidalarini biladi hamda samarali va mazmunli hayot kechirishga harakat qiladi. Biroq insonning xulq-atvori, hayotiy ziddiyatlar bilan bogʻliq holatda shakllanadigan baʼzi turmush tarziga oid kasalliklar borki, bu kabi kasalliklarga koʻpincha inson bilib-bilmay chalinib qoladi.
Ana shunday kasalliklar turiga kiruvchi tamaki chekish – inson qanchalik yaxshi tarbiya koʻrishidan qatʼiy nazar, odat tusiga aylanib qolsa, uning hayotini izdan chiqarib yuboradi va sogʻligidagi mukammallika putur yetkazadi.
Chekishning inson organizmi uchun qanchalik zarar ekani haqida Amudaryo tumani Tibbiyot birlashmasi xodimlari tomonidan birlashmaning Salomatlik maydonchasida Mangʻit shahrining Navoiy nomli mahalla aholisi vakillari ishtirokida oʻtkazilgan nafas olish gimnastikasi tadbirida batafsil maʼlumotlar berildi.
Koʻrgazmali mashgʻulotlar jarayonida malakali mutaxassis-shifokorlar Matyoqub Ernazarov, Tamara Saidova, narkolog-shifokor Bahodir Chorshamov hamda Tibbiyot birlashmasi sport ishlari targʻibotchisi Ibodulla Nurimbetovlar ishtirok etishib, har kuni ertalab Tibbiyot birlashmasi Salomatlik maydonchasida, oilaviy poliklinika va oilaviy shifokorlik punktlarining Salomatlik sport maydonchalarida hududlar aholisi ishtirokida oʻtkazilayotgan ertalabki badantarbiya mashgʻulotlarining inson organizmiga foydali taʼsiri haqida maʼlumotlar berdilar. Shu bilan birga ertalabki ommaviy yurish, nafas olish gimnastikasi boʻyicha koʻrgazmali mashgʻulotlar oʻtkazdilar.
Tadbir davomida turli toifa yoshdagi kishilar, ayniqsa, yoshlar oʻrtasida uchrab turadigan kashandalik – tamaki chekishdek inson salomatligiga jiddiy zarar yetkazuvchi illat yuzasidan mutaxassislarning maʼruzalari tinglanib, ushbu zararli odatdan qutilish boʻyicha zarur maslahat va tavsiyalar berildi.
Tuman hududlarida faoliyat olib boruvchi barcha oilaviy poliklinikalar va oilaviy shifokorlik punktlarining Salomatlik maydonchalarida ertalabki badantarbiya va nafas olish gimnastikasi mashgʻulotlarini tashkil etish va ushbu mashgʻulotlar uzviyligini taʼminlash boʻyicha tadbir ishtirokchilari oʻz fikrlarini bildirdilar.
Ayniqsa, hududlardagi uyushmagan yoshlarni ertalabki badantarbiya mashgʻulotlari, ommaviy yurish mashqlariga keng jalb etish, ular oʻrtasida tamaki chekishning inson organizmiga yetkazadigan jiddiy zarari xususida keng tushuntirishlar olib borish taʼkidlandi.
Shu bilan birga, tamaki chekuvchilar qaysi yoshda boʻlishlaridan qatʼiy nazar, sogʻlom odamlarga nisbatan 13-marta koʻp miokard infarkti va 12-marta koʻp yurak ishemik kasalliklariga duchor boʻlishi, aksariyat hollarda surunkali buyruk yetishmovchiligi xastaliklariga chalinishi va buning jiddiy oqibatlari xususida davra suhbati ham tashkil etilib, aholi tomonidan tushgan savollarga shifokorlar batafsil javoblar berdi.
Robiya YOʻLDOShEVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
