ТАМАКИ ЧЕКИШ ВА ЗАРАРЛИ ОДАТЛАРГА ҚАРШИ КУРАШИШ МАВЗУСИГА БАҒИШЛАНГАН ТАДБИР БЎЛИБ ЎТДИ
Мамлакатимизда амалга оширилаётган ислоҳотлар замирида баркамол авлодни тарбиялашдек масъулиятли вазифа турибди. Шу боис, ҳозирги кунда ёшларимизнинг билим олишлари, тажриба орттириши, ўз қобилиятларини юзага чиқаришлари учун барча шароитлар яратилган. Айниқса, уларнинг соғлигини ишончли муҳофаза қилиш, жамият ҳаётига, тараққиётига ўз ҳиссасини қўша оладиган етук мутахассис, комил инсон бўлиб шаклланишларини таъминлашга алоҳида эътибор қаратилмоқда.
Шуни алоҳида таъкидлаш керакки, юксак маънавиятли ва маданиятли бўлиб вояга етган ёшлар ўз саломатлигига масъулият билан ёндашади, уни асраш ва мустаҳкамлаш қоидаларини билади ҳамда самарали ва мазмунли ҳаёт кечиришга ҳаракат қилади. Бироқ инсоннинг хулқ-атвори, ҳаётий зиддиятлар билан боғлиқ ҳолатда шаклланадиган баъзи турмуш тарзига оид касалликлар борки, бу каби касалликларга кўпинча инсон билиб-билмай чалиниб қолади.
Ана шундай касалликлар турига кирувчи тамаки чекиш – инсон қанчалик яхши тарбия кўришидан қатъий назар, одат тусига айланиб қолса, унинг ҳаётини издан чиқариб юборади ва соғлигидаги мукаммаллика путур етказади.
Чекишнинг инсон организми учун қанчалик зарар экани ҳақида Амударё тумани Тиббиёт бирлашмаси ходимлари томонидан бирлашманинг Саломатлик майдончасида Манғит шаҳрининг Навоий номли маҳалла аҳолиси вакиллари иштирокида ўтказилган нафас олиш гимнастикаси тадбирида батафсил маълумотлар берилди.
Кўргазмали машғулотлар жараёнида малакали мутахассис-шифокорлар Матёқуб Эрназаров, Тамара Саидова, нарколог-шифокор Баҳодир Чоршамов ҳамда Тиббиёт бирлашмаси спорт ишлари тарғиботчиси Ибодулла Нуримбетовлар иштирок этишиб, ҳар куни эрталаб Тиббиёт бирлашмаси Саломатлик майдончасида, оилавий поликлиника ва оилавий шифокорлик пунктларининг Саломатлик спорт майдончаларида ҳудудлар аҳолиси иштирокида ўтказилаётган эрталабки бадантарбия машғулотларининг инсон организмига фойдали таъсири ҳақида маълумотлар бердилар. Шу билан бирга эрталабки оммавий юриш, нафас олиш гимнастикаси бўйича кўргазмали машғулотлар ўтказдилар.
Тадбир давомида турли тоифа ёшдаги кишилар, айниқса, ёшлар ўртасида учраб турадиган кашандалик – тамаки чекишдек инсон саломатлигига жиддий зарар етказувчи иллат юзасидан мутахассисларнинг маърузалари тингланиб, ушбу зарарли одатдан қутилиш бўйича зарур маслаҳат ва тавсиялар берилди.
Туман ҳудудларида фаолият олиб борувчи барча оилавий поликлиникалар ва оилавий шифокорлик пунктларининг Саломатлик майдончаларида эрталабки бадантарбия ва нафас олиш гимнастикаси машғулотларини ташкил этиш ва ушбу машғулотлар узвийлигини таъминлаш бўйича тадбир иштирокчилари ўз фикрларини билдирдилар.
Айниқса, ҳудудлардаги уюшмаган ёшларни эрталабки бадантарбия машғулотлари, оммавий юриш машқларига кенг жалб этиш, улар ўртасида тамаки чекишнинг инсон организмига етказадиган жиддий зарари хусусида кенг тушунтиришлар олиб бориш таъкидланди.
Шу билан бирга, тамаки чекувчилар қайси ёшда бўлишларидан қатъий назар, соғлом одамларга нисбатан 13 марта кўп миокард инфаркти ва 12 марта кўп юрак ишемик касалликларига дучор бўлиши, аксарият ҳолларда сурункали буйрук етишмовчилиги хасталикларига чалиниши ва бунинг жиддий оқибатлари хусусида давра суҳбати ҳам ташкил этилиб, аҳоли томонидан тушган саволларга шифокорлар батафсил жавоблар берди.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
