Meva-sabzavotchilik va uzumchilikda oilaviy tadbirkorlikni rivojlantirish, qishloq xoʻjaligi ishlab chiqarishida dehqon xoʻjaliklarining ulushini oshirish boʻyicha samarali ishlar amalga oshirilmoqda
Soʻnggi yillarda qishloq xoʻjaligini isloh qilish va sohaga bozor mexanizmlarini joriy etish borasida izchil chora-tadbirlar amalga oshirilmoqda. Shu bilan birga, paxta va gʻalladan qisqartirilayotgan yer maydonlarida bogʻdorchilik, uzumchilik, poliz va sabzavotchilik, dukkakli va moyli ekinlarni yetishtirish sohasida eksportbop qishloq xoʻjaligi ekinlari ekishni koʻpaytirish, shuningdek, aholining keng qatlamlarini jalb qilish orqali ushbu yerlardan samarali foydalanish tizimini yaratish evaziga tarmoqda qoʻshimcha oʻsishga erishishda ilmiy asoslangan yondashuv va oʻrganishlarni inobatga olish taqozo etilmoqda.
Jumladan, hisob-kitoblarga koʻra 1 gektar maydonda yetishtirilgan paxta xom ashyosiga nisbatan uzumdan 7 baravar, gilosdan 6 baravar, yongʻoqdan 5 baravar koʻp daromad olish hamda ushbu yerlarda oilaviy tadbirkorlik doirasida kichik intensiv bogʻdorchilik, uzumchilik, poliz, dukkakli, moyli ekinlar, kartoshka yetishtirish va sabzavotchilik loyihalarini qoʻllab-quvvatlash orqali “Temir daftar”, “Ayollar daftari” va “Yoshlar daftari”da roʻyxatda turgan ehtiyojmand oilalarning daromadli mehnat bilan bandligini taʼminlash boʻyicha katta imkoniyatlar mavjud.
Aholining daromad topishga qaratilgan tadbirkorlik tashabbuslarini moliyaviy qoʻllab-quvvatlash, aholiga agrar tarmoqda oʻz biznesini tashkil etishga koʻmaklashish, qishloq xoʻjaligi mahsulotlarini yetishtirishda dehqon xoʻjaliklarining ulushini oshirish orqali orqali oziq-ovqat xavfsizligini taʼminlash maqsadida Oʻzbekiston Respublikasi Prezidentining “Meva-sabzavotchilik va uzumchilikda oilaviy tadbirkorlikni rivojlantirish, qishloq xoʻjaligi ishlab chiqarishida dehqon xoʻjaliklarining ulushini oshirish chora-tadbirlari toʻgʻrisida”gi qarori qabul qilingn edi.
Qaror ijrosini taʼminlash maqsadida rejaga binoan 2022-yilda 897, 2023-yilda 578, 2024-yilda 437, 2025-yilda 330 gektar maydonda dehqon xoʻjaliklar tashkil qilish rejalashtirilgan boʻlib, 2022-yilda jami 932,4 gektar maydonda 3 ming 579 lotda dehqon xoʻjaliklari tashkil qilinadi, bugungi kun xolatiga bu koʻrsatgich E-AUKSION elektron savdo platformasi orqali 674,4 gektar maydonda 2 ming 659 lotlarda tanlov gʻolibi aniqlangan boʻlsa, yana E-AUKSION elektron savdo platformasi orqali 219,8 gektar maydonda 859 lotlar savdo maydonchasiga qoʻyilgan.
“Bir kontor bir mahsulot” tamoili asosida bugungi kuda ishlarni tashkil qilish uchun tumanda tashkil qilingan “Amudaryo tomorqa xizmat” MChJ klasteri orqali tashkil qilingan dehqon xoʻjaliklar oʻrtasida kooperatsiya orqali etishtirilgan qishloq xoʻjalik mahsulotlarining bozorbopligi taʼminlanishiga, bozorlarda narx-navoning bir xilligini taʼminlashga erishiladi, bundan tashqari dehqon xoʻjaliklari tashkil qilish orqali shu kungacha 2 ming 659 nafar fuqaroning doimiy bandligi taʼminlangan boʻlsa, yana 859 nafar fuqarolarning doimiy bandligi taʼminlanadi.
Shuning bilan birga dehqon xoʻjaliklarimizning iqtisodiy ahvolini yaxshilash, mahsulot yetishtirish hajmini oshirish masalasiga ham eʼtibor qaratilmoqda.
Shu maqsadda Oʻzbekiston fermer, dehqon xoʻjaliklari va tomorqa yer egalari kengashi xuzuridagi fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasi mablagʻlari hisobidan dehqon xoʻjaliklari uchun 14 foizdan bank kreditlari ajratilishi ham yoʻlga qoʻyilgan.
Bugungi kunda “Temir daftar”, “Ayollar daftari” va “Yoshlar daftari”da roʻyxatda turgan ehtiyojmand oilalarga yer maydonlarining ajratib berilishi ularning bandligini taʼminlashda muhim ahamiyat kasb etmoqda.
Mazkur yilda yer ajratilgan yoshlarimiz orasidan tajribali va tashabbuskorlari aniqlab, ularga kelgusi yillarda tuman zaxira yer fondi hisobidan yer maydonlari ajratib berish, hamda fermer xoʻjaliklarini tashkil qilish uchun oʻtkaziladigan tenderda ishtirok etishlariga yordam berish rejalashtirilgan.
Javlon Rajabov, Amudaryo tuman fermer, dehqon xoʻjaliklari va tomorqa yer egalari Kengashi huzuridagi
Fermer xoʻjaliklarida buxgalteriya hisobi va hisob-kitobini yuritish markazining
aholi xonadonlarida tomorqalardan samarali foydalanish boʻyicha agronomi
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
