Мева-сабзавотчилик ва узумчиликда оилавий тадбиркорликни ривожлантириш, қишлоқ хўжалиги ишлаб чиқаришида деҳқон хўжаликларининг улушини ошириш бўйича самарали ишлар амалга оширилмоқда
Сўнгги йилларда қишлоқ хўжалигини ислоҳ қилиш ва соҳага бозор механизмларини жорий этиш борасида изчил чора-тадбирлар амалга оширилмоқда. Шу билан бирга, пахта ва ғалладан қисқартирилаётган ер майдонларида боғдорчилик, узумчилик, полиз ва сабзавотчилик, дуккакли ва мойли экинларни етиштириш соҳасида экспортбоп қишлоқ хўжалиги экинлари экишни кўпайтириш, шунингдек, аҳолининг кенг қатламларини жалб қилиш орқали ушбу ерлардан самарали фойдаланиш тизимини яратиш эвазига тармоқда қўшимча ўсишга эришишда илмий асосланган ёндашув ва ўрганишларни инобатга олиш тақозо этилмоқда.
Жумладан, ҳисоб-китобларга кўра 1 гектар майдонда етиштирилган пахта хом ашёсига нисбатан узумдан 7 баравар, гилосдан 6 баравар, ёнғоқдан 5 баравар кўп даромад олиш ҳамда ушбу ерларда оилавий тадбиркорлик доирасида кичик интенсив боғдорчилик, узумчилик, полиз, дуккакли, мойли экинлар, картошка етиштириш ва сабзавотчилик лойиҳаларини қўллаб-қувватлаш орқали “Темир дафтар”, “Аёллар дафтари” ва “Ёшлар дафтари”да рўйхатда турган эҳтиёжманд оилаларнинг даромадли меҳнат билан бандлигини таъминлаш бўйича катта имкониятлар мавжуд.
Аҳолининг даромад топишга қаратилган тадбиркорлик ташаббусларини молиявий қўллаб-қувватлаш, аҳолига аграр тармоқда ўз бизнесини ташкил этишга кўмаклашиш, қишлоқ хўжалиги маҳсулотларини етиштиришда деҳқон хўжаликларининг улушини ошириш орқали орқали озиқ-овқат хавфсизлигини таъминлаш мақсадида Ўзбекистон Республикаси Президентининг “Мева-сабзавотчилик ва узумчиликда оилавий тадбиркорликни ривожлантириш, қишлоқ хўжалиги ишлаб чиқаришида деҳқон хўжаликларининг улушини ошириш чора-тадбирлари тўғрисида”ги қарори қабул қилингн эди.
Қарор ижросини таъминлаш мақсадида режага биноан 2022 йилда 897, 2023 йилда 578, 2024 йилда 437, 2025 йилда 330 гектар майдонда деҳқон хўжаликлар ташкил қилиш режалаштирилган бўлиб, 2022 йилда жами 932,4 гектар майдонда 3 минг 579 лотда деҳқон хўжаликлари ташкил қилинади, бугунги кун холатига бу кўрсатгич E-AUKSION электрон савдо платформаси орқали 674,4 гектар майдонда 2 минг 659 лотларда танлов ғолиби аниқланган бўлса, яна E-AUKSION электрон савдо платформаси орқали 219,8 гектар майдонда 859 лотлар савдо майдончасига қўйилган.
“Бир контор бир маҳсулот” тамоили асосида бугунги куда ишларни ташкил қилиш учун туманда ташкил қилинган “Амударё томорқа хизмат” МЧЖ кластери орқали ташкил қилинган деҳқон хўжаликлар ўртасида кооперация орқали этиштирилган қишлоқ хўжалик маҳсулотларининг бозорбоплиги таъминланишига, бозорларда нарх-навонинг бир хиллигини таъминлашга эришилади, бундан ташқари деҳқон хўжаликлари ташкил қилиш орқали шу кунгача 2 минг 659 нафар фуқаронинг доимий бандлиги таъминланган бўлса, яна 859 нафар фуқароларнинг доимий бандлиги таъминланади.
Шунинг билан бирга деҳқон хўжаликларимизнинг иқтисодий аҳволини яхшилаш, маҳсулот етиштириш ҳажмини ошириш масаласига ҳам эътибор қаратилмоқда.
Шу мақсадда Ўзбекистон фермер, деҳқон хўжаликлари ва томорқа ер эгалари кенгаши хузуридаги фермер, деҳқон хўжаликлари ва томорқа ер эгаларини қўллаб-қувватлаш жамғармаси маблағлари ҳисобидан деҳқон хўжаликлари учун 14 фоиздан банк кредитлари ажратилиши ҳам йўлга қўйилган.
Бугунги кунда “Темир дафтар”, “Аёллар дафтари” ва “Ёшлар дафтари”да рўйхатда турган эҳтиёжманд оилаларга ер майдонларининг ажратиб берилиши уларнинг бандлигини таъминлашда муҳим аҳамият касб этмоқда.
Мазкур йилда ер ажратилган ёшларимиз орасидан тажрибали ва ташаббускорлари аниқлаб, уларга келгуси йилларда туман захира ер фонди ҳисобидан ер майдонлари ажратиб бериш, ҳамда фермер хўжаликларини ташкил қилиш учун ўтказиладиган тендерда иштирок этишларига ёрдам бериш режалаштирилган.
Жавлон Ражабов, Амударё туман фермер, деҳқон хўжаликлари ва томорқа ер эгалари Кенгаши ҳузуридаги
Фермер хўжаликларида бухгалтерия ҳисоби ва ҳисоб-китобини юритиш марказининг
аҳоли хонадонларида томорқалардан самарали фойдаланиш бўйича aгрономи
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
