FILOLOGIYa FANLARI DOKTORI, 57-SONLI MAKTABNING SOBIQ BITIRUVÇISI ÖQUVÇILAR BILAN UÇRAŞDI

Maktab – muqaddas dargoh, har bir insonni ilk qadam qöygan kundan boşlab, ilm dunyosiga olib kiradigan qutluğ maskan. Bu maskanda ustozlar yoşlarga taʼlim va tarbiya berib, mustaqil hayot ostonasiga kuzatib qolişadi.

Arna böyi mahallasidagi 57-sonli maktabda ham köp yillardan beri yoş avlodga taʼlim-tarbiya berilib, yurtga nafi tegadigan, munosib va yetuk kadrlar yetiştirilib çiqarilmoqda. Uşbu maktabda ilm örgangan qançadan-qança insonlar bugun jamiyatning barça sohalarida mehnat qilib, mamlakat iqtisodiga, taraqqiyotiga öz hissalarini qöşişmoqda.

Barça hududlardagi kabi mazkur maktabda ham bölib ötgan “Xayr, maktabim” tadbiriga şu maktabda tahsil olgan sobiq öquvçi, ayni paytda filologiya fanlari doktori darajasiga yetişgan Oybek Nurjonov va Qoraqalpoq davlat universitetining  özbek tilşunosligi kafedrasi mudiri Şuhrat Abdullayev, dotsent Kumuş Rajabovalar taşrif buyurib, öquvçilar bilan uçraşişdi.

Tadbirda maktab direktori Maşarif Rözmetov şu maktabda tahsil olib uçirma bölgan, hozirgi kunda öz hayot yölini topib, Qoraqalpoq davlat universitetining filologiya fakultetida talabalarga ustozlik qiliş bilan birga izlanişni, örganişni davom ettirayotgan, ilmiy nufuzga ega bölgan sobiq bitiruvçi Oybek Nurjonovni öquvçilarga yaqindan taniştirdi.

Aytiş joizki, Oybek Nurjonov 1992-yil 14-iyunda Qoraqalpoğiston Respublikasi, Amudaryo tumanida ziyoli oilasida tavallud topgan. U 1999-2008-yillarda mazkur 57-sonli örta maktabda tahsil olgan. Maktabda 9-sinfni tugatganidan söng, 2008-2011-yillarda tumandagi sobiq Servis kasb-hunar kollejida hunar örgangan. Kollejni tugatib, 2011-2015-yillarda Berdaq nomidagi Qoraqalpoq davlat universitetining filologiya fakultetida tahsil olib, özbek filologiyasi bakalavr taʼlim yönalişini, 2015-2017-yillarda  lingvistika, yaʼni özbek tili mutaxassisligi böyiça magistraturani muvaffaqiyatli tamomlagan.

Şundan söng, 2017-2020-yillarda Qoraqalpoq davlat universitetining özbek tilşunosligi kafedrasi öqituvçi-stajyori lavozimida, 2020-yildan şu kungaça özbek tilşunosligi kafedrasi assistenti lavozimida işlab kelmoqda.

U Qoraqalpoğiston Respublikasida xizmat körsatgan fan arbobi, filologiya fanlari doktori, professor Zarifboy Dösimovning ilmiy rahbarligida “Qoraqalpoğistondagi özbek şevalari etnografizmlarining antropotsentrik tavsifi” mavzusida dissertatsiya işini yozib tamomlagan.

Uçraşuvda sözga çiqqan Qoraqalpoq Davlat universiteti öqituvçilari Oybek Nurjonovning ilm yölida, taʼlim-tarbiya borasida amalga oşirayotgan işlari töğrisida iliq fikrlar aytib, maktab öquvçilari va ayni paytdagi bitiruvçilarni yurtimizda yoşlar uçun yaratilgan imkoniyatlar, şaroitlardan unumli foydalanişga, yetuk va barkamol, komil, yurt kelajagiga munosib insonlar bölib voyaga yetişga çorladi.

Öz navbatida sobiq bitiruvçi, ayni paytda filologiya fanlari doktori, olim Oybek Nurjonov ham şu maktabda taʼlim olgani, öqituvçilaridan taʼlim-tarbiya olib, pand-nasihatlariga amal qilib, şu darajaga yetişgani haqida sözladi. Şuningdek, maktabda taʼlim bergan ustozlariga çin köngildan minnatdorçilik bildirdi va tadbir iştirokçilariga kitoblar sovğa qildi.

Uçraşuv davomida öquvçilar olim Oybek Nurjonovga özlarini qiziqtirgan savollar bilan murojaat qildilar va batafsil javoblar, kasb tanlaş tanlaş böyiça maslahat, tavsiyalar oldilar. Qiziqarli ötgan uçraşuv barçaga manzur böldi.

O.Xudoyberganova.