SEKTORLAR FAOLIYaTI: ASOSIY MAQSAD – XALQIMIZNING HAYoTDAN ROZI BOʻLIB YaShAShIDIR

Amudaryo tumanining 1-sektori hududini ijtimoiy-iqtisodiy rivojlantirish boʻyicha sektor rahbariyati tomonidan qator amaliy ishlar qilinmoqda. 2022-yilning 1-choragi misolida tahlil qiladigan boʻlsak, bu boradagi ishlarning ijrosi tizimli ravishda davom ettirilayotganini koʻrish mumkin.

Bugungi kunda 1-sektor hududidagi 12 ta ovul va mahalla fuqarolar yigʻinlarida 8 ming 542 ta xonadon tarkibidagi 11 ming 574 ta oilada 49 ming 907 nafar aholi istiqomat qiladi.

Oʻzbekiston Respublikasi Prezidentining joriy yil 23-24-fevral kunlari Qoraqalpogʻiston Respublikasiga tashrifi davomida berilgan topshiriqlar va 25-fevral kuni sektor rahbarlari hamda faollar ishtirokida oʻtkazilgan yigʻilish bayoniga koʻra, 1-sektor xududida 270,5 mlrd.soʻmlik 25 ta investitsiya loyihalari amalga oshirilishi va 2 160 ta yangi ish oʻrinlari yaratilishi rejalashtirilgan. Shundan sanoat sohasida 4 ta loyiha amalga oshirilib, 1 895 ta ish oʻrni, xizmat koʻrsatish sohasida 13 ta loyiha bajarilib, 216 ta ish oʻrni, qishloq xoʻjaligi sohasida 8 ta loyiha amalga oshirilib, 49 ta ish oʻrnilari yaratilishi belgilangan.

Bugungi kun holatiga 2,6 mlrd.soʻmlik 3 ta investitsiya loyihalari amalga oshirildi. Buning natijasida 25 ta yangi ish oʻrinlari yaratildi.

 Joriy yilning 1-choragida “Yoʻl xaritasi”da belgilab berilgan vazifalar ijrosi boʻyicha belgilangan rejalar asosida samarali faoliyat olib borildi.

Oʻzbekiston Respublikasi Vazirlar Mahkamasining 2021-yil 1-iyul kungi muxtoj shaxslarni protez-ortopediya moslamalari va reabilitatsiya qilishning texnik vositalari bilan taʼminlash tartibi toʻgʻrisida”gi 411-sonli Qaroriga asosan sektor hududida yashovchi nogironligi boʻlgan va ijtimoiy himoyaga muhtoj oilalarni zarur dori-darmon vositalari, nogironlik aravachalari hamda reabilitatsiya vositalari bilan taʼminlashga alohida eʼtibor qaratildi. Jami 42 nafar fuqaro reablitatsiya texnik vositalari va kreslo-aravachalari bilan taʼminlandi.

 “Temir daftar” roʻyxatidagi oilalarga oziq-ovqat, dori-darmon vositalari tarqatish, ularning oilaviy daromadini oshirish maqsadida sektor xududidagi xar bir maxallada xokim yordamchisi tomonidan kam taʼminlangan oilalar sharoiti oʻrganilib, ularga qora mol, qoʻy-echki, parranda berish, oilaviy tadbirkorligini yoʻlga qoʻyish maqsadida tikuv mashinasi, kichik konstruktsiyali issiqxona qurib berish kabi yordamlar koʻrsatilmoqda.

Yoshlar doimiy va kafolatli ish bilan band boʻlsa, ayol-qizlar oʻzlari xohlagan yoʻnalishida daromadli mashgʻulot bilan shugʻullansa, oilalarda xotirjamlik boʻladi, odamlar hayotdan rozi boʻlib yashaydilar.

Sektor hududida vaqtincha ishsiz boʻlgan ayollar va yoshlarning 63 nafarini doimiy ishga joylashtirish, tadbirkorlik faoliyatini boshlash istagida boʻlgan 3 nafar ishsiz fuqaroga davlat roʻyxatidan oʻtish uchun subsidiyalar ajratish, 26 nafar ishlash istagini bildirgan vaqtincha ishsiz fuqarolarni jamoat ishlariga jalb qilish, 18 nafar ishsiz fuqarolarni mehnat bozorida talab yuqori boʻlgan kasbga oʻqitish, xorijdan qaytgan 7 nafar mehnat migrantlarining bandligini taʼminlash maqsadida sektor xududidagi xokim yordamchilari bilan birgalikda 106 nafar fuqaroga oilaviy tadbirkorligini boshlashlari uchun 2,4 mlrd soʻmlik kreditlar ajratildi.

27 nafar fuqaroga esa 127 mln. soʻmlik subsidiyalar berilib, 224 nafar fuqaroning oʻzini oʻzi band qilish choralari koʻrildi. Tadbirkorlikka koʻmaklashish, yangidan kichik beznes subʼektlari tashkil qilish boʻyicha tahliliy ishlarni amalga oshirish borasida hududda 31 ta yangi kichik biznes subʼektlari tashkil qilindi.

Sektor hududidagi 12 ta mahalla va ovul fuqarolar yigʻinlarida yashovchi 30 yoshdan yuqori boʻlgan 24161 nafar xotin-qizlar xatlovdan oʻtkazildi. Xatlov yakuniga koʻra, “Ayollar daftari”ning 3-bosqichiga ijtimoiy himoyaga muhtoj 399 nafar ishsiz xotin-qizlar, tadbirkorlik qilish istagida boʻlgan ehtiyojmand 87 nafar, boquvchisini yoʻqotgan 216 nafar, ijtimoiy yordamga muhtoj 1- va 2-guruh nogironligi boʻlgan 89 nafar, uy-joyga muhtoj 25 nafar, qaramogʻida nogironligi boʻlgan farzandi mavjud 117 nafar xotin-qizlardan iborat jami 933 nafar xotin-qizlarning roʻyxati shakllantirildi. Halq deputatlari tuman Kengashiga ushbu xotin-qizlarni “Ayollar daftari” roʻyxatiga kiritish masalasi boʻyicha taklif kiritildi.

Muhtaram Prezidentimiz topshirigʻiga muvofiq har haftada yoshlar bilan muntazam uchrashib, ularning muammolarini tinglash va joyida hal etishga qaratilgan “Sektor rahbari va yoshlar” mavzusida oshkora muloqot tarzidagi uchrashuv hamda davra suhbatlari oʻtkazish anʼanaga aylantirildi.

Bundan tashqari, Prezidentimizning “Mahallalarda yoshlar bilan ishlash tizimini tubdan takomillashtirish chora-tadbirlari toʻgʻrisida” Qarori hamda 23-25 fevral kunlari Qoraqalpogʻiston Respublikasiga tashrifi davomida yoshlar hayotiga oid bir qator topshiriqlariga muvofiq yoshlar bilan ishlash boʻyicha yangicha tizim asosidagi ishlar yoʻlga qoʻyildi. Sektor hududida mazkur Qaror ijrosini taʼminlash boʻyicha shtab tashkil etilib, tegishli korxona va tashkilotlardan masʼullar biriktirildi. Mahallalarda yoshlar yetakchilari faoliyati yoʻlga qoʻyilib, zarur sharoitlar yaratilmoqda.

Hususan, yoshlar yetakchilari bilan birgalikda sektor hududida oʻtkazilgan xatlov natijasida 5 304 nafar yoshlar bilan suhbat oʻtkazilib, anketa soʻrovnomalari toʻldirildi va 278 nafar yoshlar “Yoshlar daftari”ga kiritildi. Unga koʻra, 38 nafar yoshlar ishga joylashish, 151 nafar yoshlar dehqon xoʻjaligi yuritish uchun ijara huquqi asosida yer olish, 10 nafar yoshlar oʻzining tadbirkorligini yoʻlga qoʻyish maqsadida kredit ajratish, 79 nafar yoshlar ijtimoiy-iqtisodiy muammolari masalalarida “Yoshlar daftari” roʻyxatiga kiritildi. 1-chorak davomida “Yoshlar daftari”dagi 17 nafar yoshlarning muammolari toʻliq bartaraf qilinib, “Yoshlar daftari”dan chiqarildi.

Muhtaram Prezidentimiz Shavkat Miromonovich Mirziyoyevning “Insonlarning dard-u tashvishlarini oʻylab yashash – odamiylikning eng oliy mezonidir. Xalq davlat idoralariga emas, davlat idoralari xalqimizga xizmat qilishi kerak. Xalqimiz oʻz hayotida ijobiy oʻzgarishlarni ertaga emas, uzoq kelajakda emas, aynan bugun koʻrishi kerak”, degan soʻzlari har birimizning, avvalo, har bir rahbar xodimning kundalik ish rejasini amalga oshirishdagi asosiy shioriga aylanmogʻi kerak. Zero, ana shu shior asosida faoliyat olib borish, eng avvalo xalqimizning hayotdan rozi boʻlib yashashini taʼminlash mezonidir.