СЕКТОРЛАР ФАОЛИЯТИ: АСОСИЙ МАҚСАД – ХАЛҚИМИЗНИНГ ҲАЁТДАН РОЗИ БЎЛИБ ЯШАШИДИР

Амударё туманининг 1-сектори ҳудудини ижтимоий-иқтисодий ривожлантириш бўйича сектор раҳбарияти томонидан қатор амалий ишлар қилинмоқда. 2022 йилнинг 1-чораги мисолида таҳлил қиладиган бўлсак, бу борадаги ишларнинг ижроси тизимли равишда давом эттирилаётганини кўриш мумкин.

Бугунги кунда 1-сектор ҳудудидаги 12 та овул ва маҳалла фуқаролар йиғинларида 8 минг 542 та хонадон таркибидаги 11 минг 574 та оилада 49 минг 907 нафар аҳоли истиқомат қилади.

Ўзбекистон Республикаси Президентининг жорий йил 23-24 февраль кунлари Қорақалпоғистон Республикасига ташрифи давомида берилган топшириқлар ва 25 февраль куни сектор раҳбарлари ҳамда фаоллар иштирокида ўтказилган йиғилиш баёнига кўра, 1-сектор худудида 270,5 млрд.сўмлик 25 та инвестиция лойиҳалари амалга оширилиши ва 2 160 та янги иш ўринлари яратилиши режалаштирилган. Шундан саноат соҳасида 4 та лойиҳа амалга оширилиб, 1 895 та иш ўрни, хизмат кўрсатиш соҳасида 13 та лойиҳа бажарилиб, 216 та иш ўрни, қишлоқ хўжалиги соҳасида 8 та лойиҳа амалга оширилиб, 49 та иш ўрнилари яратилиши белгиланган.

Бугунги кун ҳолатига 2,6 млрд.сўмлик 3 та инвестиция лойиҳалари амалга оширилди. Бунинг натижасида 25 та янги иш ўринлари яратилди.

 Жорий йилнинг 1-чорагида “Йўл харитаси”да белгилаб берилган вазифалар ижроси бўйича белгиланган режалар асосида самарали фаолият олиб борилди.

Ўзбекистон Республикаси Вазирлар Маҳкамасининг 2021 йил 1 июль кунги мухтож шахсларни протез-ортопедия мосламалари ва реабилитация қилишнинг техник воситалари билан таъминлаш тартиби тўғрисида”ги 411-сонли Қарорига асосан сектор ҳудудида яшовчи ногиронлиги бўлган ва ижтимоий ҳимояга муҳтож оилаларни зарур дори-дармон воситалари, ногиронлик аравачалари ҳамда реабилитация воситалари билан таъминлашга алоҳида эътибор қаратилди. Жами 42 нафар фуқаро реаблитация техник воситалари ва кресло-аравачалари билан таъминланди.

 “Темир дафтар” рўйхатидаги оилаларга озиқ-овқат, дори-дармон воситалари тарқатиш, уларнинг оилавий даромадини ошириш мақсадида сектор худудидаги хар бир махаллада хоким ёрдамчиси томонидан кам таъминланган оилалар шароити ўрганилиб, уларга қора мол, қўй-эчки, парранда бериш, оилавий тадбиркорлигини йўлга қўйиш мақсадида тикув машинаси, кичик конструкцияли иссиқхона қуриб бериш каби ёрдамлар кўрсатилмоқда.

Ёшлар доимий ва кафолатли иш билан банд бўлса, аёл-қизлар ўзлари хоҳлаган йўналишида даромадли машғулот билан шуғулланса, оилаларда хотиржамлик бўлади, одамлар ҳаётдан рози бўлиб яшайдилар.

Сектор ҳудудида вақтинча ишсиз бўлган аёллар ва ёшларнинг 63 нафарини доимий ишга жойлаштириш, тадбиркорлик фаолиятини бошлаш истагида бўлган 3 нафар ишсиз фуқарога давлат рўйхатидан ўтиш учун субсидиялар ажратиш, 26 нафар ишлаш истагини билдирган вақтинча ишсиз фуқароларни жамоат ишларига жалб қилиш, 18 нафар ишсиз фуқароларни меҳнат бозорида талаб юқори бўлган касбга ўқитиш, хориждан қайтган 7 нафар меҳнат мигрантларининг бандлигини таъминлаш мақсадида сектор худудидаги хоким ёрдамчилари билан биргаликда 106 нафар фуқарога оилавий тадбиркорлигини бошлашлари учун 2,4 млрд сўмлик кредитлар ажратилди.

27 нафар фуқарога эса 127 млн. сўмлик субсидиялар берилиб, 224 нафар фуқаронинг ўзини ўзи банд қилиш чоралари кўрилди. Тадбиркорликка кўмаклашиш, янгидан кичик безнес субъектлари ташкил қилиш бўйича таҳлилий ишларни амалга ошириш борасида ҳудудда 31 та янги кичик бизнес субъектлари ташкил қилинди.

Сектор ҳудудидаги 12 та маҳалла ва овул фуқаролар йиғинларида яшовчи 30 ёшдан юқори бўлган 24161 нафар хотин-қизлар хатловдан ўтказилди. Хатлов якунига кўра, “Аёллар дафтари”нинг 3-босқичига ижтимоий ҳимояга муҳтож 399 нафар ишсиз хотин-қизлар, тадбиркорлик қилиш истагида бўлган эҳтиёжманд 87 нафар, боқувчисини йўқотган 216 нафар, ижтимоий ёрдамга муҳтож 1- ва 2-гуруҳ ногиронлиги бўлган 89 нафар, уй-жойга муҳтож 25 нафар, қарамоғида ногиронлиги бўлган фарзанди мавжуд 117 нафар хотин-қизлардан иборат жами 933 нафар хотин-қизларнинг рўйхати шакллантирилди. Ҳалқ депутатлари туман Кенгашига ушбу хотин-қизларни “Аёллар дафтари” рўйхатига киритиш масаласи бўйича таклиф киритилди.

Муҳтарам Президентимиз топшириғига мувофиқ ҳар ҳафтада ёшлар билан мунтазам учрашиб, уларнинг муаммоларини тинглаш ва жойида ҳал этишга қаратилган “Сектор раҳбари ва ёшлар” мавзусида ошкора мулоқот тарзидаги учрашув ҳамда давра суҳбатлари ўтказиш анъанага айлантирилди.

Бундан ташқари, Президентимизнинг “Маҳаллаларда ёшлар билан ишлаш тизимини тубдан такомиллаштириш чора-тадбирлари тўғрисида” Қарори ҳамда 23-25 февраль кунлари Қорақалпоғистон Республикасига ташрифи давомида ёшлар ҳаётига оид бир қатор топшириқларига мувофиқ ёшлар билан ишлаш бўйича янгича тизим асосидаги ишлар йўлга қўйилди. Сектор ҳудудида мазкур Қарор ижросини таъминлаш бўйича штаб ташкил этилиб, тегишли корхона ва ташкилотлардан масъуллар бириктирилди. Маҳаллаларда ёшлар етакчилари фаолияти йўлга қўйилиб, зарур шароитлар яратилмоқда.

Ҳусусан, ёшлар етакчилари билан биргаликда сектор ҳудудида ўтказилган хатлов натижасида 5 304 нафар ёшлар билан суҳбат ўтказилиб, анкета сўровномалари тўлдирилди ва 278 нафар ёшлар “Ёшлар дафтари”га киритилди. Унга кўра, 38 нафар ёшлар ишга жойлашиш, 151 нафар ёшлар деҳқон хўжалиги юритиш учун ижара ҳуқуқи асосида ер олиш, 10 нафар ёшлар ўзининг тадбиркорлигини йўлга қўйиш мақсадида кредит ажратиш, 79 нафар ёшлар ижтимоий-иқтисодий муаммолари масалаларида “Ёшлар дафтари” рўйхатига киритилди. 1-чорак давомида “Ёшлар дафтари”даги 17 нафар ёшларнинг муаммолари тўлиқ бартараф қилиниб, “Ёшлар дафтари”дан чиқарилди.

Муҳтарам Президентимиз Шавкат Миромонович Мирзиёевнинг “Инсонларнинг дард-у ташвишларини ўйлаб яшаш – одамийликнинг энг олий мезонидир. Халқ давлат идораларига эмас, давлат идоралари халқимизга хизмат қилиши керак. Халқимиз ўз ҳаётида ижобий ўзгаришларни эртага эмас, узоқ келажакда эмас, айнан бугун кўриши керак”, деган сўзлари ҳар биримизнинг, аввало, ҳар бир раҳбар ходимнинг кундалик иш режасини амалга оширишдаги асосий шиорига айланмоғи керак. Зеро, ана шу шиор асосида фаолият олиб бориш, энг аввало халқимизнинг ҳаётдан рози бўлиб яшашини таъминлаш мезонидир.