INSONNI QADRLASh – UNING SOGʻLIGINI MUSTAHKAMLAShDAN BOShLANADI
Oʻzbekiston Respublikasi Tibbiy-ijtimoiy xizmatlarni rivojlantirish Agentligi Respublika tibbiy-ijtimoiy ekspertiza inspektsiyasi va uning joylardagi hududiy boʻlinmalari tomonidan mamlakatimizdagi keksalar, nogironligi boʻlgan shaxslar va aholining ijtimoiy himoyaga muhtoj boshqa toifalariga tibbiy-ijtimoiy xizmatlar koʻrsatish hamda reabilitatsiya qilish samaradorligini oshirish maqsadida aniq reja asosida ish olib borilmoqda.
Boʻlinma tomonidan har yili turli bayram sanalari munosabati bilan “Saxovat”, “Mehr-muruvvat” tadbirlari oʻtkazilib, ikkinchi jahon urushi hamda front orti mehnat faxriylari, keksalar va nogironligi boʻlgan shaxslar holidan xabar olinmoqda. Shu bilan birga zarur tibbiy-ijtimoiy yordamlar koʻrsatib kelinayapti. Bu kabi tadbirlar ayniqsa, Navroʻz – umumxalq bayrami arafasida yanada ommaviy tus olib, har bir mahallada, mehnat jamoalari, ayniqsa, Tibbiy-ijtimoiy xizmatlarni rivojlantirish Agentligi Respublika tibbiy-ijtimoiy ekspertiza inspektsiyasi tizimidagi hududiy komissiyalarda keng qamrovli mehr-muruvvat tadbirlari amalga oshiriladi.
Navroʻz – umumxalq bayrami munosabati bilan 2-sonli Amudaryo tumanlararo Tibbiy Mehnat ekspertiza komissiyasi raisi Guliston Bolimova rahbarligida mazkur komissiya aʼzolari ham Amudaryo tumanining Yangiobod, Olmazor hamda Navoiy nomli mahallalarida istiqomat qiluvchi kam taʼminlangan, nogironligi boʻlgan fuqarolar xonadonlarida boʻlishib, ularni Navroʻz bayrami bilan tabrikladilar.
Xususan, mutasaddilar Mangʻit shahrining Yangiobod mahallasida yashovchi Mohimjon Oʻrozboyeva xonadonida boʻlishib, avvalo xonadon bekasining sogʻligi nevrolog-shifokor Nodira Doʻsimbetova tomonidan tibbiy tekshiruvdan oʻtkazilib, bemorga zarur muolajalar boʻyicha tavsiyalar borildi. Shu bilan birga, bemorga vitaminlarga boy, kundalik oziq-ovqat mahsulotlari topshirildi.
Bayram arafasida 2-sonli Amudaryo tumanlararo Tibbiy mehnat ekspertiza komissiyasi raisi Guliston Bolimova nevropatolog-shifokor Nodira Doʻsimbetova hamda tibbiy hamshira Dilfuza Saparboyevalar bilan birgalikda Navoiy nomli mahallada istiqomat qiluvchi Oybek Rajabovalar xonadonida ham boʻldilar. Mazkur xonadonda uch nafar nogiron insonlarning borligi har qanday koʻngilda ularga gʻamxoʻrlik va mehr-oqibat koʻrsatish istagini uygʻotishi tabiiy. Chunki bu oilada ikki nafar aka-uka va kelin nogironligi sababli roʻyxatda turishadi. Guliston Bolimova rahbarligidagi mutasaddilar ularning sogʻligini nazorat qilish bilan birga bayramona kayfiyat ulashib, oʻz sovgʻalarini topshirdilar.
Shuningdek, masʼullar Mangʻit shahrining Yangiobod mahallasida ham boʻlishib, 1-guruh nogironi Norguloy opaning holidan xabar olishdi. Ogʻir dard tufayli toʻshakka mixlanib qolgan Norguloy opaning salomatligi bilan bogʻliq murojaatiga koʻra, onaxonning qon bosimi, tayanch-harakat aʼzolari holati tekshiruvdan oʻtkazilib, bemorga bahor faslida zarur boʻladigan muolaja choralari boʻyicha tavsiyalar berildi.
Navroʻz – nafaqat milliy-maʼnaviy umumxalq bayrami, balki insonlarning oʻzaro mehr-muruvvat, saxovat va insonparvarlik tuygʻularini oʻzida mujassam etgan hurmat va ehtirom, eʼzoz va eʼtibor ayyomi hamdir. 2-sonli Amudaryo tumanlararo Tibbiy mehnat ekspertiza komissiyasi tomonidan “Inson qadrini ulugʻlash va faol mahalla yili”da amalga oshirilayotgan ishlarning mazmun-mohiyati ham inson salomatligini mustahkamlash, shaxs sifatidagi qadrini ulugʻlashdan iboratdir.
Robiya YOʻLDOShEVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
