ИНСОННИ ҚАДРЛАШ – УНИНГ СОҒЛИГИНИ МУСТАҲКАМЛАШДАН БОШЛАНАДИ
Ўзбекистон Республикаси Тиббий-ижтимоий хизматларни ривожлантириш Агентлиги Республика тиббий-ижтимоий экспертиза инспекцияси ва унинг жойлардаги ҳудудий бўлинмалари томонидан мамлакатимиздаги кексалар, ногиронлиги бўлган шахслар ва аҳолининг ижтимоий ҳимояга муҳтож бошқа тоифаларига тиббий-ижтимоий хизматлар кўрсатиш ҳамда реабилитация қилиш самарадорлигини ошириш мақсадида аниқ режа асосида иш олиб борилмоқда.
Бўлинма томонидан ҳар йили турли байрам саналари муносабати билан “Саховат”, “Меҳр-мурувват” тадбирлари ўтказилиб, иккинчи жаҳон уруши ҳамда фронт орти меҳнат фахрийлари, кексалар ва ногиронлиги бўлган шахслар ҳолидан хабар олинмоқда. Шу билан бирга зарур тиббий-ижтимоий ёрдамлар кўрсатиб келинаяпти. Бу каби тадбирлар айниқса, Наврўз – умумхалқ байрами арафасида янада оммавий тус олиб, ҳар бир маҳаллада, меҳнат жамоалари, айниқса, Тиббий-ижтимоий хизматларни ривожлантириш Агентлиги Республика тиббий-ижтимоий экспертиза инспекцияси тизимидаги ҳудудий комиссияларда кенг қамровли меҳр-мурувват тадбирлари амалга оширилади.
Наврўз – умумхалқ байрами муносабати билан 2-сонли Амударё туманлараро Тиббий Меҳнат экспертиза комиссияси раиси Гулистон Болимова раҳбарлигида мазкур комиссия аъзолари ҳам Амударё туманининг Янгиобод, Олмазор ҳамда Навоий номли маҳаллаларида истиқомат қилувчи кам таъминланган, ногиронлиги бўлган фуқаролар хонадонларида бўлишиб, уларни Наврўз байрами билан табрикладилар.
Хусусан, мутасаддилар Манғит шаҳрининг Янгиобод маҳалласида яшовчи Моҳимжон Ўрозбоева хонадонида бўлишиб, аввало хонадон бекасининг соғлиги невролог-шифокор Нодира Дўсимбетова томонидан тиббий текширувдан ўтказилиб, беморга зарур муолажалар бўйича тавсиялар борилди. Шу билан бирга, беморга витаминларга бой, кундалик озиқ-овқат маҳсулотлари топширилди.
Байрам арафасида 2-сонли Амударё туманлараро Тиббий меҳнат экспертиза комиссияси раиси Гулистон Болимова невропатолог-шифокор Нодира Дўсимбетова ҳамда тиббий ҳамшира Дилфуза Сапарбоевалар билан биргаликда Навоий номли маҳаллада истиқомат қилувчи Ойбек Ражабовалар хонадонида ҳам бўлдилар. Мазкур хонадонда уч нафар ногирон инсонларнинг борлиги ҳар қандай кўнгилда уларга ғамхўрлик ва меҳр-оқибат кўрсатиш истагини уйғотиши табиий. Чунки бу оилада икки нафар ака-ука ва келин ногиронлиги сабабли рўйхатда туришади. Гулистон Болимова раҳбарлигидаги мутасаддилар уларнинг соғлигини назорат қилиш билан бирга байрамона кайфият улашиб, ўз совғаларини топширдилар.
Шунингдек, масъуллар Манғит шаҳрининг Янгиобод маҳалласида ҳам бўлишиб, 1-гуруҳ ногирони Норгулой опанинг ҳолидан хабар олишди. Оғир дард туфайли тўшакка михланиб қолган Норгулой опанинг саломатлиги билан боғлиқ мурожаатига кўра, онахоннинг қон босими, таянч-ҳаракат аъзолари ҳолати текширувдан ўтказилиб, беморга баҳор фаслида зарур бўладиган муолажа чоралари бўйича тавсиялар берилди.
Наврўз – нафақат миллий-маънавий умумхалқ байрами, балки инсонларнинг ўзаро меҳр-мурувват, саховат ва инсонпарварлик туйғуларини ўзида мужассам этган ҳурмат ва эҳтиром, эъзоз ва эътибор айёми ҳамдир. 2-сонли Амударё туманлараро Тиббий меҳнат экспертиза комиссияси томонидан “Инсон қадрини улуғлаш ва фаол маҳалла йили”да амалга оширилаётган ишларнинг мазмун-моҳияти ҳам инсон саломатлигини мустаҳкамлаш, шахс сифатидаги қадрини улуғлашдан иборатдир.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
